Yôsuê 6:19 - Nau Brah Ndu Ngơi 2023

¹⁹ Lĕ rngôch prăk, mah, jêh ri lĕ glah ma kông, ma loih jêng ndơ prăp kloh ueh ma Brah Yêhôva; lĕ ndơ nây mra nglăp tâm jay prăp Brah Yêhôva.”

Yôsuê 6:19 ပူးပေါင်းရင်းမြစ်များ

II Samuel 8:11

Lĕ ndơ nây tâm ban lĕ, hađăch Đavit nhhơr prăp kloh ueh ma Brah Yêhôva, nâm bu păng hŏ nhhơr prăp prăk jêh ri mah bơh phung mpôl bunuyh păng hŏ tŭn jot:

I Phung Hađăch 14:26

Y-Sisăk sŏk lĕ ndô ndơ khlay tâm ngih Brah Yêhôva jêh ri bơh ngih hađăch, sŏk pit đŏng lĕ rngôch khêl mah Y-Salômôn hŏ ƀư.

I Phung Hađăch 7:51

Pônây, lĕ nau mbor kan hađăch Salômôn ƀư ma ngih Brah Yêhôva hŏ lôch jêh. Y-Salômôn đă leo nglăp tâm lĕ jay ngih brah Brah Yêhôva lĕ ndơ kloh ueh mbơ̆ păng jêng hađăch Đavit hŏ nhhơr, geh prăk, mah, jêh ri lĕ ndơ dŏng êng êng.

II Phung Hađăch 24:13

Di ngăn nâm bu nau Brah Yêhôva hŏ lah, hađăch Babilôn sŏk lĕ rngôch drăp ndơ khlay tâm ngih Brah Yêhôva jêh ri lĕ drăp ndơ khlay tâm ngih hađăch, mbang nchah lĕ ndơ dŏng ma mah, Y-Salômôn, hađăch Israel, hŏ ƀư jêh ngih brah ma Brah Yêhôva.

I Nau Rêh Jêng 18:11

Hađăch Đavit prăp êng ma nau kloh ueh ma Brah Yêhôva lĕ ndơ dŏng nây ndrel ma prăk jêh ri mah păng pit in jêh bơh lĕ rngôch phung ntil mpôl bunuyh bơh phung Êđôm, phung Môap, phung Ammôn, phung Philistin, jêh ri phung Amalek.

I Nau Rêh Jêng 26:20

Tâm phung Lêvi, Y-Ahija jêng nơm mât mray drăp ngih Brah Ndu jêh ri drăp ndơ bu nhhơr kloh ueh.

I Nau Rêh Jêng 26:26

Y-Sêlômôt jêh ri phung oh nâu păng sâm dơn mât uănh lĕ rngôch ndơ kloh ueh, hađăch Đavit, phung kôranh ndŭl mpôl, phung kôranh chiă uănh toyh ma du rbăn nuyh jêh ri ma du rhiăng nuyh, jêh ri phung kôranh ma phung tahan hŏ prăp êng ma nau kloh ueh.

I Nau Rêh Jêng 26:27

Khân păng prăp êng kloh ueh lĕ ndơ hŏ pit sŏk tâm nau tâm lơh, gay nhhơr ma nau nkra ngih Brah Yêhôva.

I Nau Rêh Jêng 26:28

Lĕ rngôch ndơ nơm geh nau tâm saơ Y-Samuel, Y-Sôl (kon Y-Kis), Y-Apner (kon Y-Ner), jêh ri Y-Jôap (kon H'Sêruya), hŏ prăp êng ma nau kloh ueh, ndrel ma lĕ rngôch ndơ kloh ueh êng gŭ tâm dâng nau mât uănh Y-Sêlômôt jêh ri phung oh nâu păng da dê.

I Nau Rêh Jêng 28:12

Păng jao đŏng ma Y-Salômôn lĕ samƀŭt rup Brah Huêng Ueh ăn ma hađăch gĭt ma nhuang ngih Brah Yêhôva, ma lĕ rngôch jrô văr jŭm, ma lĕ jay prăp drăp khlay ngih Brah Ndu, jêh ri ma lĕ jay prăp ndơ kloh ueh;

II Nau Rêh Jêng 15:18

Păng djôt leo ma ngih Brah Yêhôva lĕ ndơ mbơ̆ păng jêh ri păng nơm hŏ prăp êng ăn kloh, geh mah, prăk jêh ri lĕ ndơ dŏng.

II Nau Rêh Jêng 31:12

khân păng răp jăp djôt lĕ ndô ndơ nhhơr, du kô̆ tâm jât jêh ri lĕ ndơ kloh êng êng. Kôranh mât chiă ndơ nây jêng Y-Kênania, phung Lêvi, ndrel ma Y-Simei oh păng jêng nơm groi kâp kơl.

Nêhêmi 10:38

Phung kôranh ƀư brah, kon sau Y-Arôn, mra hăn ndrel phung Lêvi, tơlah khân păng sŏk pi du kô̆ tâm jât; jêh nây khân păng mra djôt leo ndơ du kô̆ tâm jât nây ma tât ngih Brah Ndu hên, bun ăn tâm lĕ jrô prăp drăp ndơ kloh ueh.

Yêrêmi 38:11

Y-Êbet-Mêlek leo phung bunuyh nây ndrel ma păng jêh ri hăn lăp ma ngih hađăch, tât ta du ntŭk tâm dâng jay prăp ndô ndơ. Ta ntŭk nây păng sŏk bok sat jêh ri kho ao ơm, jêh nây ntrŭnh rse brăt ăn ma Y-Yêrêmi tâm ntu dak.

Kan Lêvi 19:24

Ƀiălah tât ta năm tal puăn lĕ rngôch play tơm si nây mra jêng kloh ueh, jêng ndơ nhhơr tâm rnê ma Brah Yêhôva.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Nau Kơp Bunuyh 31:11

jêh nây sŏk lĕ rngôch drăp ndơ, ndơ pit sŏk, kơp bunuyh jêh ri mpôl mpô mpa rong.

Nau Kơp Bunuyh 31:12

Khân păng djôt leo phung bu nă jêh ri lĕ ndơ pit sŏk tât ma Y-Môis, ma kôranh ƀư brah Y-Êlêasar jêh ri ma phung ƀon lan Israel tâm rƀŭn dôl ndâk ngih bok ta neh lâng Môap, dăch dak krong Yurdan tâm tra đah Yêrikô.

Nau Kơp Bunuyh 31:22

Maih, prăk, kông, loih, thao jêh ri ndrak,

Mathay 27:6

Ƀiălah phung kôranh ƀư brah toyh dônh prăk nây jêh ri lah: “Dơm prăk aơ tâm ntŭk prăp prăk jêng mâu di nau vay ôh, yorlah jêng rnoh mham.”

Markôs 12:41

Brah Yêsu gŭ tâm tra năp hip prăk nhhơr, jêh ri sek uănh phung ƀon lan nôk khân păng nhhơr prăk tâm hip nây.

Yôsuê 7:11

Phung Israel ƀư tih jêh, khân păng ƀư tih đah nau tâm rnglăp Gâp hŏ ntăm jêh: Khân păng sŏk jêh lĕ ndơ prăp ma nau ƀư rai, ntŭng, ndơm mƀruh, rlau lơn ma nĕ pôn ndơ nây nsum tâm ndơ dŏng păng nơm.