Yôsuê 4:3 - Nau Brah Ndu Ngơi 2023

³ jêh ri ntăm ma khân păng: ‘Sŏk hom jât ma bar mlâm lŭ tâm nklang dak krong Yurdan, ntŭk jâng phung kôranh ƀư brah gŭ nsrâng jêh ri djôt leo lŭ nây ndrel ma khân may, n'gân ta ntŭk khân may bê̆ch măng aơ.’”

Yôsuê 4:3 ပူးပေါင်းရင်းမြစ်များ

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

Nau Mprơ Ơm 103:2

Ơ huêng gâp, tâm rnê hom ma Brah Yêhôva, Lơi dĭng chuêl ôh lĕ ntil nau ueh Păng ăn.

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Luka 19:40

Păng plơ̆ lah: “Gâp đă ma khân may, tơlah khân păng gŭ rklăk lŭ mra kuăl huy.”

Yôsuê 24:27

Jêh nây Y-Yôsuê lah ma lĕ rngôch phung ƀon lan: “Aơ, lŭ aơ mra jêng nau mbơh ma phung he, yor păng geh tăng lĕ nau ngơi Brah Yêhôva hŏ ntăm jêh ma phung he; păng mra jêng du nau mbơh ma khân may, klach lah khân may dun ma Brah Ndu khân may nơm.”

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Yôsuê 4:4

Pônây Y-Yôsuê kuăl jât ma bar nuyh păng hŏ săch jêh tă bơh phung ƀon lan Israel, ăp ndŭl mpôl du huê,

Yôsuê 4:8

Pônây phung ƀon lan Israel ƀư tĭng nâm nau Y-Yôsuê đă jêh, sŏk jât ma bar mlâm lŭ tă bơh ta nklang dak krong Yurdan tĭng ăp ndŭl mpôl phung ƀon lan Israel jêh ri djôt leo lŭ nây rgăn dak krong, tât ta ntŭk khân păng bê̆ch măng nây jêh ri n'gân ta nây di nâm Brah Yêhôva hŏ lah jêh ma Y-Yôsuê.

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”