Yôsuê 3:8 - Nau Brah Ndu Ngơi 2023

⁸ Ăn may ntăm ma phung kôranh ƀư brah tung Hip Nau Tâm Rnglăp pô aơ: ‘Tơlah khân may dăch tât ta kơh dak krong Yurdan, gŭ nsrâng hom ta nklang n'hong.’”

Yôsuê 3:8 ပူးပေါင်းရင်းမြစ်များ

II Phung Hađăch 2:6

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât dak krong Yurdan.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu mra du tă bơh may ôh.” Pôri, bar hê khân păng hăn đŏng.

II Nau Rêh Jêng 29:15

Khân păng rƀŭn phung oh nâu khân păng, jêh ri ƀư kloh lơi khân păng nơm, jêh nây tĭng nâm hađăch ntăm, di nâm nau Brah Yêhôva ngơi, khân păng tât gay ƀư kloh ngih Brah Yêhôva.

II Nau Rêh Jêng 29:27

Y-Hêsêkia ntĭnh ăn bu nhhơr ndơ ƀư brah gŭch ta klơ nơng ƀư brah. Tơlah bu ntơm nhhơr mpa nhhơr gŭch ta nây đŏng bu ntơm mprơ tâm rnê ma Brah Yêhôva tâm ban lĕ, nđâp ma bâr nŭng jêh ri lĕ gong Y-Đavit hađăch Israel.

II Nau Rêh Jêng 29:30

Hađăch Hêsêkia jêh ri phung kôranh ntĭnh ma phung Lêvi mprơ tâm rnê ma Brah Yêhôva ma lĕ nau mprơ Y-Đavit jêh ri Y-Asap, nơm geh nau tâm saơ. Khân păng mprơ nau tâm rnê ma Kôranh Brah tâm nau răm maak, jêh ri khân păng chon mon yơk mbah.

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 13:28

Du huê tâm phung kon bu klâu Y-Jôada, sau kôranh ƀư brah toyh lơn Y-Êliasip, hŏ nđăp kon druh Y-Sanbalat, phung Hôrôn, yor nau nây gâp mprơh păng du tă bơh gâp.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Nhĭm Vơl 3:26

Ueh ngăn yơh ăn ma nơm klăk klêm gŭ kâp Nau tâm rklaih Brah Yêhôva.

Yôsuê 3:17

Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Yôsuê 3:3

ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

Yôsuê 3:7

Brah Yêhôva lah ma Y-Yôsuê: “Nar aơ Gâp mra ntơm ƀư ma may geh nau yơk tanăp măt lĕ rngôch bunuyh ƀon lan Israel, gay ma khân păng dơi gĭt Gâp mra gŭ ndrel ma may tâm ban Gâp hŏ gŭ jêh ndrel ma Y-Môis.

Yôsuê 3:9

Y-Yôsuê lah ma phung ƀon lan Israel: “Hăn dăch hom, iăt nau Yêhôva Brah Ndu khân may ngơi.”

Yôsuê 4:11

Lah lĕ rngôch phung ƀon lan lĕ rgăn dak krong jêh pôri Hip Nau Tâm Rnglăp Brah Yêhôva jêh ri phung kôranh ƀư brah tâm ban đŏng hăn rgăn panăp phung ƀon lan.