Yôsuê 3:17 - Nau Brah Ndu Ngơi 2023

¹⁷ Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Yôsuê 3:17 ပူးပေါင်းရင်းမြစ်များ

II Phung Hađăch 2:8

Y-Êli sŏk ao jâr păng nơm, klôn păng jêh ri dong klơ n'ha dak. Dak krong tâm pă rnglah bar đah ding jêh ri lĕ bar hê hăn rgăn ta neh sơh.

Nau Mprơ Ơm 66:6

Păng tâm rgâl dak rlai jêng neh sơh; Bu hăn jâng rgăn dak krong, Ta ntŭk nây hên răm maak tâm May.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 14:22

Phung ƀon lan Israel hăn klơ neh sơh gay rgăn dak mƀŭt; bi dak jêng nâm bu pêr pa ma jêh ri pa chiau khân păng.

Nau Ngluh Êjipt 14:29

Bi phung ƀon lan Israel rgăn dak mƀŭt nâm bu hăn ta neh sơh, dak jêng pêr pa ma jêh ri pa chiau khân păng.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Nau Kơp Bunuyh 33:51

“Lah hom ma phung ƀon lan Israel: ‘Tơlah khân may rgăn dak krong Yurdan lăp tâm n'gor Kanaan

ហេឞ្រើ 11:29

Yor ma nau chroh, phung Israel rgăn Dak Mƀŭt Chăng nâm bu hăn ta ntŭk neh sơh, bi phung Êjipt srôih hăn rgăn, lĕ rngôch khân păng ngâm tâm dak da dê.

Yôsuê 4:1

Tơlah lĕ rngôch ƀon lan hŏ rgăn jêh dak krong Yurdan, Brah Yêhôva lah ma Y-Yôsuê:

Yôsuê 4:10

Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Yôsuê 4:11

Lah lĕ rngôch phung ƀon lan lĕ rgăn dak krong jêh pôri Hip Nau Tâm Rnglăp Brah Yêhôva jêh ri phung kôranh ƀư brah tâm ban đŏng hăn rgăn panăp phung ƀon lan.

Yôsuê 4:22

Rnôk nây khân may mra lah ma phung kon sau khân may gĭt pô aơ: ‘Israel hŏ hăn rgăn jêh dak krong Yurdan aơ ta neh sơh,

Yôsuê 4:3

jêh ri ntăm ma khân păng: ‘Sŏk hom jât ma bar mlâm lŭ tâm nklang dak krong Yurdan, ntŭk jâng phung kôranh ƀư brah gŭ nsrâng jêh ri djôt leo lŭ nây ndrel ma khân may, n'gân ta ntŭk khân may bê̆ch măng aơ.’”

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.