Yôsuê 24:25 - Nau Brah Ndu Ngơi 2023

²⁵ Pônây, tâm nar nây, Y-Yôsuê ƀư nau tâm rnglăp đah phung ƀon lan, ăn lĕ nau vay dăp jêh ri lĕ nau vay ƀư ma khân păng ta ƀon Sichem.

Yôsuê 24:25 ပူးပေါင်းရင်းမြစ်များ

Nau Ntơm 35:4

Khân păng ndơ̆ ro ma Y-Yakôb lĕ rngôch rup brah bu năch ndơ khân păng hôm mât, tâm ban đŏng lĕ thek khân păng mblo ta tôr. Y-Yakôb tâp brôi lĕ ndơ nây tâm dâng tơm guyh dăch ƀon Sichem.

II Phung Hađăch 11:17

Y-Jêhôida ƀư nau tâm rnglăp Brah Yêhôva đah hađăch jêh ri đah phung ƀon lan, gay gĭt năl khân păng mra jêng phung ƀon lan ma Brah Yêhôva. Păng ƀư đŏng nau tâm rnglăp ndrăng păng đah phung ƀon lan.

II Nau Rêh Jêng 15:12

Khân păng ƀư nau tâm rnglăp gay joi Yêhôva Brah Ndu phung chô yau khân păng ma lĕ nuih n'hâm jêh ri ma lĕ nau mĭn.

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 23:16

Y-Jêhôida ƀư nau tâm rnglăp păng nơm đah lĕ rngôch phung ƀon lan jêh ri đah hađăch, gay ma khân păng ton nanê̆ mra jêng phung ƀon lan ma Brah Yêhôva.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Ngluh Êjipt 15:25

Y-Môis kuăl dăn ma Brah Yêhôva. Brah Yêhôva ntĭm ma păng du n'gâng tơm si, păng nklăch tơm si nây tâm dak jêh ri dak jêng ueh. Ta aơ Brah Yêhôva ăn jêh nau vay dăp jêh ri nau vay dăp ma phung ƀon lan, jêh ri ta aơ đŏng Brah Yêhôva rlong uănh nuih n'hâm khân păng.

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nau Vay Nkah Tay 29:1

Aơ jêng lĕ nau ngơi tâm nau tâm rnglăp Brah Yêhôva ntĭm jêh ma Y-Môis ăn ƀư đah phung ƀon lan Israel ta n'gor Môap, rlau ma nau tâm rnglăp Păng hŏ ƀư jêh ma khân păng ta yôk Hôrep.

Yôsuê 24:1

Y-Yôsuê tâm rƀŭn lĕ rngôch phung ndŭl mpôl Israel ta ƀon Sichem, jêh ri păng kuăl rgum phung bu ranh, phung kôranh chiă uănh, phung kôranh phat dôih jêh ri phung kôranh tahan Israel, jêh ri mpơl măt khân păng nơm panăp Brah Ndu.

Yôsuê 24:26

Y-Yôsuê nchih lĕ nau vay aơ tâm ndrom samƀŭt nau vay Brah Ndu. Jêh nĕ, păng sŏk du rplay lŭ toyh n'gân ta nây, tâm dâng tơm guyh dăch ntŭk Kloh Ueh Brah Yêhôva.