Yôsuê 24:20 - Nau Brah Ndu Ngơi 2023

²⁰ Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”

Yôsuê 24:20 ပူးပေါင်းရင်းမြစ်များ

I Nau Rêh Jêng 28:8

Pôri aƀaơ, tanăp lĕ rngôch phung Israel, jêng phung tâm rƀŭn Brah Yêhôva, Brah Ndu he gŭ iăt, gâp ntĭnh ma khân may joi hom jêh ri djôt prăp lĕ nau vay Yêhôva Brah Ndu ntăm khân may, gay ma khân may sŏk dơn n'gor ueh aơ jêh ri ăn tay ma phung kon sau khân may ƀư drăp ndơn n'ho ro.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Nau Mprơ Ơm 89:31

Tơlah khân păng ƀư tih đah nau vay dăp Gâp, Mâu djôt prăp ôh lĕ nau vay Gâp ntăm,

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Kôranh Oh Mon 7:42

Pôri, Brah Ndu mâu hôm n'gĭl măt ma khân păng jêh ri jao khân păng ăn yơk mbah ma phung tahan tâm trôk, tĭng nâm hŏ nchih jêh tâm lĕ ndrom samƀŭt phung nơm mbơh lor pô aơ: ‘Hơi phung Israel, di lĕ khân may hŏ nhhơr mpa ƀư brah jêh ri ndơ nhhơr ma Gâp Tâm puăn jât năm gŭ ta bri rdah?

Nau Vay Nkah Tay 4:25

Lah khân may hŏ geh kon geh sau se jêh ri rêh jŏ tâm n'gor, tơlah khân may hôm e ƀư nau tih mhĭk tâm ban ƀư rup brah moh ntil mpa, mâu lah nau djơh mhĭk tanăp măt Yêhôva Brah Ndu khân may gay nsônh Păng ji nuih,

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

ហេឞ្រើ 10:38

Nơm sŏng srăng gâp mra gŭ rêh yor nau chroh, Ƀiălah tơlah plơ̆ rŭch Huêng gâp mâu hôm maak ôh.”

Yôsuê 24:21

Phung ƀon lan lah ma Y-Yôsuê: “Mâu ôh! Hên mra pah kan ma Brah Yêhôva.”

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.

I Samuel 12:25

Ƀiălah, tơlah khân may ăt ƀư nau mhĭk khân may jêh ri hađăch khân may mra rai lĕ.”