Yôsuê 24:18 - Nau Brah Ndu Ngơi 2023

¹⁸ Brah Yêhôva mprơh jêh tanăp hên lĕ rngôch phung ƀon lan, nđâp ma phung Amôrit jêng phung ƀon lan tơm bri. Yor ri, hên tâm ban đŏng mra pah kan ma Brah Yêhôva, yorlah Păng jêng Brah Ndu hên.”

Yôsuê 24:18 ပူးပေါင်းရင်းမြစ်များ

Nau Mprơ Ơm 116:16

Ơ Brah Yêhôva, gâp jêng oh mon May; Nanê̆ gâp jêng oh mon May, kon bu klâu oh mon bu ur May; May doh jêh loih nkông gâp.

Nau Ngluh Êjipt 10:2

jêh ri gay may dơi nkoch tay ma kon sau khân may lĕ nau kan Gâp hŏ ƀư jêh ma phung Êjipt, tâm ban đŏng lĕ nau mbên khlay Gâp hŏ ƀư mpơl jêh ta nklang khân păng, tă bơh nây khân may dơi gĭt Gâp jêng Brah Yêhôva.”

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Kôranh Oh Mon 7:45

Phung chô yau he sŏk dơn jêh ngih bok nây jêh ri ndrel ma Y-Yôsuê djôt leo păng lăp tâm n'gor khân păng hŏ pit sŏk tă bơh phung mpôl băl Brah Ndu mprơh du jêh tanăp khân păng. Ngih bok nây hôm e tât ta rnôk rô̆ Y-Đavit,

Nau Vay Nkah Tay 10:21

Păng jêng Nơm khân may tâm rnê. Păng jêng Brah Ndu khân may, jêng Nơm hŏ ƀư jêh ma khân may lĕ nau kan toyh jêh ri klach krit măt khân may hŏ saơ jêh.

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

Yôsuê 23:9

Yorlah Brah Yêhôva mprơh jêh bơh khân may phung ndŭl mpôl bunuyh toyh jêh ri dăng ktang, jêh ri tât ta nar aơ, mâu geh ôh du huê dơi tâm rdâng đah khân may.

Yôsuê 24:17

Yorlah Yêhôva Brah Ndu he, Păng nơm njŭn leo jêh hên jêh ri phung chô yau hên du luh bơh Êjipt, jêng luh bơh ngih dĭk. Păng ƀư jêh lĕ nau mbên khlay toyh ngăn ngên tanăp măt hên jêh ri king n'gang hên tâm lĕ nau nsong jêh ri ta nklang lĕ rngôch phung ƀon lan hên hŏ rgăn.

Yôsuê 24:19

Y-Yôsuê lah ma phung ƀon lan: “Khân may mâu dơi tŏng nau dăng pah kan ma Brah Yêhôva, yor lan Păng jêng Brah Ndu kloh ueh, Brah Ndu gĭt ntôn, Păng mâu yô̆ an ôh ma nau kue jêh ri nau tih khân may.