Yôsuê 24:17 - Nau Brah Ndu Ngơi 2023

¹⁷ Yorlah Yêhôva Brah Ndu he, Păng nơm njŭn leo jêh hên jêh ri phung chô yau hên du luh bơh Êjipt, jêng luh bơh ngih dĭk. Păng ƀư jêh lĕ nau mbên khlay toyh ngăn ngên tanăp măt hên jêh ri king n'gang hên tâm lĕ nau nsong jêh ri ta nklang lĕ rngôch phung ƀon lan hên hŏ rgăn.

Yôsuê 24:17 ပူးပေါင်းရင်းမြစ်များ

II Nau Rêh Jêng 13:10

Ƀiălah ma phung hên, Yêhôva ăt jêng Brah Ndu hên, hên mâu chalơi Păng ôh. Phung kôranh ƀư brah, jêng phung kon sau Y-Arôn, pah kan ma Brah Yêhôva da dê, jêh ri phung Lêvi djôt nau kan khân păng.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Êsai 46:4

Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Nau Vay Nkah Tay 29:2

Y-Môis kuăl rgum lĕ rngôch phung Israel jêh ri lah: “Khân may saơ jêh lĕ nau Brah Yêhôva hŏ ƀư jêh tanăp măt khân may tâm n'gor Êjipt, ma Pharaôn, ma lĕ rngôch phung oh mon păng jêh ri ma lĕ n'gor bri hađăch nây.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Nau Vay Nkah Tay 7:19

Măt khân may hŏ saơ jêh Yêhôva Brah Ndu hŏ dŏng lĕ nau rlong uănh toyh ngăn ngên, mpơl lĕ nau mbên khlay ngăn, yơr dĭ ti nau dơi gay djôt leo khân may luh bơh Êjipt. Yêhôva Brah Ndu khân may mra ƀư kơt nây đŏng đah lĕ rngôch phung ƀon lan khân may dôl klach.

Yôsuê 24:16

Phung ƀon lan plơ̆ sĭt pô aơ: “Hên ngơi n'hêl ngăn mâu chalơi ôh Brah Yêhôva gay pah kan ma phung brah êng!

Yôsuê 24:18

Brah Yêhôva mprơh jêh tanăp hên lĕ rngôch phung ƀon lan, nđâp ma phung Amôrit jêng phung ƀon lan tơm bri. Yor ri, hên tâm ban đŏng mra pah kan ma Brah Yêhôva, yorlah Păng jêng Brah Ndu hên.”