Yôsuê 24:14 - Nau Brah Ndu Ngơi 2023

¹⁴ Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.

Yôsuê 24:14 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Êsra 9:11

May hŏ prơh jêh phung nơm mbơh lor jêng oh mon May, gay ăn ntĭm nti hên pô aơ: ‘N'gor bri phung khân may mra hăn lăp sŏk nây, jêng du n'gor bri ƀơ̆ ƀơch ngăn yor nau ƀơ̆ ƀơch tă bơh phung ntil mpôl bunuyh tâm n'gor. Ma lĕ nau vay ƀơ̆ ƀơch, khân păng hŏ ƀư ƀơ̆ ƀơch ăp ntŭk tâm n'gor nĕ.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 119:1

Ueh maak yơh phung mâu hôm geh bu dơi nduyh tâm trong khân păng, Phung hăn tĭng nau vay Brah Yêhôva.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 81:10

Gâp jêng Yêhôva Brah Ndu may, Nơm njŭn leo jêh may luh bơh bri Êjipt. Hă hom mbung may ăn huy jêh ri Gâp mra ƀư ăn bêng.

Êsêkiêl 20:18

Gâp lah ma phung kon sau khân păng tâm bri rdah pô aơ: ‘Lơi ta khân may tĭng nau vay dăp mbơ̆ khân may, lơi djôt prăp nau vay ƀư mbơ̆ khân may, mâu lĕ djôt prăp nau khân păng ntĭnh mâu lah ƀư ƀơ̆ khân may nơm ma yor phung rup brah khân păng.

Êsêkiêl 23:3

Khân păng văng tĭr ta Êjipt, ƀư nau văng tĭr dôl khân păng druh mom; ta nây, toh khân păng lĕ bu pet jêh ri roh ndŭl druh.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Kan Lêvi 17:7

Khân păng mâu dơi nhhơr ndơ ƀư brah ma phung brah mhĭk, jêng phung brah khân păng ƀư nau văng tĭr. Nây jêng nau vay dăp n'ho ro ma khân păng tâm lĕ rngôch rnôk.’

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

Nau Vay Nkah Tay 18:13

Ăn khân may gŭ răp jăp nanê̆ ngăn ngên đah Yêhôva Brah Ndu khân may.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

Yôsuê 24:2

Y-Yôsuê lah ma lĕ rngôch phung ƀon lan pô aơ: “Brah Yêhôva, Brah Ndu phung Israel, geh lah: ‘Rnôk kăl e, phung chô yau khân may jêng Y-Têra, mbơ̆ ma Y-Abraham jêh ri Y-Nahôr, gŭ ta kơh đah ri dak krong Ơphrat jêh ri pah kan ma phung brah êng.

Yôsuê 24:23

Y-Yôsuê lah: “Aƀaơ, mƀăr lơi hom phung brah bu năch luh bơh khân may jêh ri rle nuih n'hâm khân may mpeh Brah Yêhôva, Brah Ndu Phung Israel.”

I Samuel 12:14

Tơlah khân may klach yơk ma Brah Yêhôva, pah kan ma Păng, iăt tông tĭng nau Păng ngơi, mâu tâm rdâng ôh lĕ nau vay Păng ntăm, tơlah khân may jêh ri hađăch chiă uănh khân may, tông bâr ma Brah Ndu khân may, pôri jêng ueh ngăn ma khân may.

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”