Yôsuê 23:14 - Nau Brah Ndu Ngơi 2023

¹⁴ Aƀaơ ri gâp dăch hăn tâm trong lĕ phung neh ntu vay hăn. Pôri ma lĕ nuih n'hâm, ma lĕ huêng gĭt năl hom lĕ nau ueh Yêhôva Brah Ndu khân may hŏ ntăm jêh ma khân may, mâu geh du ntil nau mâu di, ƀiălah lĕ rngôch tât di ngăn jêh ma khân may. Nanê̆, mâu geh du ntil nau mâu di.

Yôsuê 23:14 ပူးပေါင်းရင်းမြစ်များ

Nau Ntơm 47:29

Bơi dăch tât nar khĭt, Y-Israel kuăl Y-Yôsep, kon bu klâu păng jêh ri lah: “Lah may klâng gâp, ăn may dơm hom ti may tâm dâng kuang gâp, sŏk nau ueh jêh ri nau nanê̆ ngăn gay ton ma gâp lơi tâp ôh gâp tâm n'gor Êjipt.

I Phung Hađăch 2:2

“Gâp lĕ dăch dâk hăn trong lĕ rngôch bunuyh klơ neh ntu hăn. Pônây, Ăn may jêng ktang jêh ri mpơl may nơm jêng du huê bunuyh kôranh!

I Phung Hađăch 8:56

“Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nơm Nti 12:5

Bu ăt klach ngăn dôl hao prêh, Jêh ri klach krit dôl hăn rŏ trong. Aƀaơ aơ, tơm si amandê luh kao, Phung krah ndrach nhuat jâk ngăn; Nau kơnh mâu hôm geh ôh, Yorlah aƀaơ aơ kon bunuyh hăn tât ngih păng gŭ n'ho ro, Bi phung ndrê klâng hăn ndăch jŭm lĕ trong ƀon toyh.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Luka 21:33

Trôk neh mra rlau lôch, ƀiălah nau Gâp ngơi mâu mra rlau lôch ôh.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

I Samuel 3:19

Y-Samuel văch ma toyh, Brah Yêhôva gŭ ndrel păng: Păng mâu ăn du ntil nau păng ngơi roh hêng dơm dam ôh.