Yôsuê 23:13 - Nau Brah Ndu Ngơi 2023

¹³ ăn khân may gĭt nanê̆ Yêhôva Brah Ndu khân may mâu mra hôm mprơh phung ndŭl mpôl bunuyh bơh khân may đŏng ôh. Ƀiălah khân păng mra jêng jal seng jêh ri ndơm dăk ma khân may, jêng mâng rvĕ rpăt ta pŭng vĕ khân may, ƀư lok ntâp trôm măt khân may, kŏ tât tơlah khân may rai yot bơh n'gor neh ueh Yêhôva Brah Ndu khân may ăn jêh ma khân may.

Yôsuê 23:13 ပူးပေါင်းရင်းမြစ်များ

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

II Phung Hađăch 25:26

Lĕ rngôch phung kon se nđâp ma phung toyh, jêh ri phung kôranh tahan dâk hăn rlet ma Êjipt yorlah khân păng klach ma phung Kaldê plơng bôk.

Nau Mprơ Ơm 69:22

Ăn sưng sông sa khân păng jêng dăk sân ma khân păng nơm; Jêh ri ndơ ƀư brah khân păng jêng jal ma mĭt jiăng khân păng.

Nau Ngluh Êjipt 10:7

Phung oh mon Pharaôn lah ma păng: “Ndah nâm jŏ bunuyh aơ jêng dăk sân ma he? Ăn phung ƀon lan nây hăn hom gay ma khân păng dơi pah kan ma Yêhôva Brah Ndu khân păng! Hađăch ê hŏ gĭt ƀơh n'gor Êjipt dôl geh nau roh rai?”

Nau Ngluh Êjipt 23:33

Khân păng mâu mra gŭ ôh tâm n'gor kon, klach lah khân păng nsŭk kon ƀư tih đah Gâp yor pah kan ma phung brah khân păng; nau nây n'hêl nê̆ mra jêng dăk sân ma kon.”

Nau Ngluh Êjipt 34:12

Njrăng hom, lơi ƀư nau tâm rnglăp đah phung ƀon lan gŭ tâm n'gor khân may mra lăp, klach lah khân păng mra jêng dăk sân ma may.

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Êsêkiêl 28:24

Ngih Israel mâu hôm geh tôt lok nau djơh mâu lah lok mplanh ƀư ji đŏng ôh, nây jêng lĕ bri dak chiau meng ơm ƀư đah păng ma nau mưch rmot. Rnôk nây, khân păng mra gĭt Gâp jêng Kôranh Brah Yêhôva.’”

Nau Kơp Bunuyh 33:55

Ƀiălah tơlah khân may mâu mprơh ôh phung ƀon lan tơm bri hăn luh, pônây lĕ rngôch phung ƀon lan khân may hôm e om mra jêng nâm lok tâm măt khân may jêh ri nâm lok ta pŭng khân may. Khân păng mra ƀư rkhŭk khân may tâm n'gor khân may mra gŭ.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Nau Vay Nkah Tay 30:18

gâp mbơh ma khân may nar aơ, khân may n'hêl nanê̆ mra rai lôch, mâu dơi ôh rêh jŏ năm tâm n'gor khân may mra rgăn dak krong Yurdan gay sŏk dơn.

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Nau Vay Nkah Tay 7:16

Pôri ăn khân may ƀư rai lơi phung ƀon lan Yêhôva Brah Ndu khân may jao jêh ma khân may, lơi yô̆ ôh khân păng; mâu lĕ pah kan ma lĕ brah khân păng, yorlah nau nây mra jêng dăk sân ma khân may.

II Timôthê 2:26

jêh ri kah gĭt gay klaih bơh dăk brah mhĭk sân, yorlah brah mhĭk nhŭp kât khân păng gay ƀư tĭng nau păng ŭch.

Phung Kôranh Phat Dôih 2:21

rĭ dĭng Gâp mâu mprơh ôh bơh khân păng phung mpôl băl hôm e Y-Yôsuê om êlor păng khĭt.