Yôsuê 23:11 - Nau Brah Ndu Ngơi 2023

¹¹ Pônây, njrăng hom mât mray khân may nơm gay yơk rŏng ma Yêhôva Brah Ndu khân may.

Yôsuê 23:11 ပူးပေါင်းရင်းမြစ်များ

Nau Ngluh Êjipt 20:6

Ƀiălah Gâp mra ăn nau yô̆ tât rbăn rô̆ ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

Êphêsô 5:15

Pôri, sek uănh njrăng hom ma nau khân may gŭ rêh, lơi gŭ rêh nâm bu phung rluk mâl, ƀiălah gŭ rêh nâm bu phung blau mĭn.

Nau Vay Nkah Tay 30:16

Tơlah khân may djôt prăp lĕ nau vay Yêhôva Brah Ndu ntăm khân may, jêng nau gâp ntăm ma khân may nar aơ, rŏng ma Yêhôva Brah Ndu khân may, hăn tâm trong Păng, djôt prăp lĕ nau vay Păng ntăm, nau vay Păng dăp jêh ri nau vay Păng ƀư, pôri khân may dơi rêh jêh ri bĭk rơ̆ âk, Yêhôva Brah Ndu khân may mra ăn đŏng nau ueh uĭn ma khân may tâm n'gor khân may mra lăp gay pit sŏk.

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Nau Vay Nkah Tay 4:15

“Ăn khân may njrăng nanê̆ jêh ri blau mât huêng khân may, yorlah khân may mâu saơ ôh rup tâm nar Yêhôva Brah Ndu ngơi ma khân may tă bơh ta nklang ŭnh ta Hôrep.

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

Yôsuê 22:5

Ƀiălah njrăng hom ƀư tĭng nau vay ntăm jêh ri nau vay bơh Y-Môis, oh mon Brah Yêhôva ntăm jêh ma khân may, gay ăn khân may yơk rŏng ma Yêhôva Brah Ndu khân may, hăn tâm trong Păng, djôt prăp lĕ nau vay Păng ntăm, tâm rnglăp đah Păng, jêh ri pah kan ma Păng ma lĕ nuih n'hâm jêh ri ma lĕ huêng khân may.”

Yôsuê 23:10

Du huê tâm phung khân may dơi mprơh du rbăn bunuyh phung khân păng, yorlah Yêhôva Brah Ndu khân may jêng Nơm sâm tâm lơh an ma khân may tĭng nâm nau păng ton jêh ma khân may.

Yôsuê 23:12

Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,