Yôsuê 22:34 - Nau Brah Ndu Ngơi 2023

³⁴ Pônây, phung Ruben, jêh ri phung Gat ntơ ma nơng ƀư brah nây jêng Ed, yorlah khân păng lah: “Nơng ƀư brah nây jêng du nau mbơh ma he Brah Yêhôva jêng Brah Ndu.”

Yôsuê 22:34 ပူးပေါင်းရင်းမြစ်များ

Nau Ntơm 31:47

Y-Laban rnha ntŭk nây jêng Jêgar Saha-dutha, ƀiălah Y-Yakôb rnha ntŭk nây jêng Galet.

Nau Ntơm 31:48

Y-Laban lah: “Nar aơ mbŭch bun lŭ aơ jêng nau mbơh nanê̆ ngăn ndrăng he gâp đah may nar aơ.” Yor nây bu rnha ntŭk nây Galet.

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Yôsuê 22:27

ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’

Yôsuê 24:27

Jêh nây Y-Yôsuê lah ma lĕ rngôch phung ƀon lan: “Aơ, lŭ aơ mra jêng nau mbơh ma phung he, yor păng geh tăng lĕ nau ngơi Brah Yêhôva hŏ ntăm jêh ma phung he; păng mra jêng du nau mbơh ma khân may, klach lah khân may dun ma Brah Ndu khân may nơm.”