Yôsuê 22:28 - Nau Brah Ndu Ngơi 2023

²⁸ Hên lah đŏng pô aơ ndah jŏ khân păng lah nau aơ ma hên mâu lah ngơi ma lĕ rngôch rô̆ hên kăndơ̆, hên mra plơ̆ lah: ‘Uănh hom rup nơng ƀư brah Brah Yêhôva phung chô yau hên hŏ ƀư jêh, mâu di ôh ma nau ndơ ƀư brah gŭch mâu lah nhhơr mpa ƀư brah, ƀiălah gay geh du nau mbơh vah vang hên jêh ri khân may!’

Yôsuê 22:28 ပူးပေါင်းရင်းမြစ်များ

Nau Ntơm 31:48

Y-Laban lah: “Nar aơ mbŭch bun lŭ aơ jêng nau mbơh nanê̆ ngăn ndrăng he gâp đah may nar aơ.” Yor nây bu rnha ntŭk nây Galet.

II Phung Hađăch 16:10

Tơlah hađăch Ahas hăn ma Damas gay tâm mâp đah hađăch Asiri jêng Y-Tiglat-Pilêser, păng saơ du nơng ƀư brah ta ƀon Damas. Hađăch Y-Ahas njuăl ro ma kôranh ƀư brah Y-Urija rup nơng ƀư brah nây, jêh ri lĕ rngôch nau ntĭm bu ƀư nơng ƀư brah.

Nau Ngluh Êjipt 25:40

Pôri, may uănh n'hêl nê̆ jêh ri ƀư di tĭng rup hŏ ntĭm ăn may ta klơ yôk.”

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

ហេឞ្រើ 8:5

Nau khân păng pah kan jêng rup jêh ri gui ma lĕ nau geh gŭ ta klơ trôk; yorlah tơlah Y-Môis ntơm ƀư ngih bok, Brah Ndu ntĭnh ntăm ma păng pô aơ: “Njrăng hom, ƀư lĕ kan tĭng nâm rup hŏ ntĭm ăn may ta klơ yôk.”

Yôsuê 22:27

ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’

Yôsuê 22:29

Hên nar aơ mâu geh nau mĭn ŭch tâm rdâng đah Brah Yêhôva jêh ri mâu lĕ chalơi Păng, gay ndâk du nơng ƀư brah êng lơn ma nơng ƀư brah panăp ngih bok Yêhôva Brah Ndu he gay nhhơr ndơ ƀư brah gŭch, ndơ ƀư brah rnih môi jêh ri mpa ƀư brah.”

Yôsuê 24:27

Jêh nây Y-Yôsuê lah ma lĕ rngôch phung ƀon lan: “Aơ, lŭ aơ mra jêng nau mbơh ma phung he, yor păng geh tăng lĕ nau ngơi Brah Yêhôva hŏ ntăm jêh ma phung he; păng mra jêng du nau mbơh ma khân may, klach lah khân may dun ma Brah Ndu khân may nơm.”