Yôsuê 22:27 - Nau Brah Ndu Ngơi 2023

²⁷ ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’

Yôsuê 22:27 ပူးပေါင်းရင်းမြစ်များ

Nau Ntơm 31:48

Y-Laban lah: “Nar aơ mbŭch bun lŭ aơ jêng nau mbơh nanê̆ ngăn ndrăng he gâp đah may nar aơ.” Yor nây bu rnha ntŭk nây Galet.

Nau Ntơm 31:52

Mbŭch lŭ aơ jêh ri n'gâng lŭ aơ ƀư nau mbơh pô aơ gâp mâu dơi rlau ôh ntŭk aơ gay hăn tât ntŭk may, jêh ri may kŏ mâu dơi đŏng rlau ntŭk aơ gay hăn tât ntŭk gâp, ma nau mĭn mhĭk.

Nau Mprơ Ơm 16:5

Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Yôsuê 22:10

Tơlah khân păng tât jêh tâm n'gor neh dak krong Yurdan tâm bri Kanaan, phung Ruben, phung Gat, jêh ri du n'gul ndŭl mpôl Manasê ndâk ta nây du nơng ƀư brah toyh ngăn ta meng kơh dak krong Yurdan.

Yôsuê 22:26

Yor ri, hên lah pô aơ he mra ndâk du nơng ƀư brah, mâu di nhhơr ndơ ƀư brah gŭch mâu lah nhhơr mpa ƀư brah,

Yôsuê 22:28

Hên lah đŏng pô aơ ndah jŏ khân păng lah nau aơ ma hên mâu lah ngơi ma lĕ rngôch rô̆ hên kăndơ̆, hên mra plơ̆ lah: ‘Uănh hom rup nơng ƀư brah Brah Yêhôva phung chô yau hên hŏ ƀư jêh, mâu di ôh ma nau ndơ ƀư brah gŭch mâu lah nhhơr mpa ƀư brah, ƀiălah gay geh du nau mbơh vah vang hên jêh ri khân may!’

Yôsuê 22:34

Pônây, phung Ruben, jêh ri phung Gat ntơ ma nơng ƀư brah nây jêng Ed, yorlah khân păng lah: “Nơng ƀư brah nây jêng du nau mbơh ma he Brah Yêhôva jêng Brah Ndu.”

Yôsuê 24:27

Jêh nây Y-Yôsuê lah ma lĕ rngôch phung ƀon lan: “Aơ, lŭ aơ mra jêng nau mbơh ma phung he, yor păng geh tăng lĕ nau ngơi Brah Yêhôva hŏ ntăm jêh ma phung he; păng mra jêng du nau mbơh ma khân may, klach lah khân may dun ma Brah Ndu khân may nơm.”

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”