Yôsuê 22:23 - Nau Brah Ndu Ngơi 2023

²³ Tơlah hên geh ndâk du nơng ƀư brah gay chalơi Brah Yêhôva, mâu lah gay nhhơr ndơ ƀư brah gŭch, ndơ ƀư brah rnih môi, jêh ri ndơ ƀư brah ma nau đăp mpăn ta nây, Brah Yêhôva nơm yơh har plơng hên!

Yôsuê 22:23 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 33:6

Ƀiălah, tơlah nơm kâp gak saơ đao tât mâu ŭch uh ôh nŭng gay mbơh ma phung ƀon lan, yor nây đao tât nkhĭt lơi nau rêh du huê bunuyh nơm nây mra khĭt tâm nau djơh mhĭk păng nơm, ƀiălah Gâp mra kêt mham păng ta ti nơm gak.’

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 18:19

Mbu moh mâu iăt ôh nau Gâp ngơi, jêng lĕ nau nơm mbơh lor ngơi tâm amoh Gâp, Gâp mra ôp nau tih nơm nây.

Yôsuê 22:24

Hên ndâk nơng ƀư brah nây, yor hên klach phung kon sau khân may du nar kăndơ̆ mra lah ma phung kon sau hên: ‘Moh nau khlay khân may geh đah Brah Yêhôva, Brah Ndu Phung Israel?

I Samuel 20:16

Tâm ban pônây, Y-Jônathan ƀư nau tâm rnglăp đah ngih Y-Đavit pô aơ: “Brah Yêhôva mra plơng har ma phung rlăng Y-Đavit.”