Yôsuê 22:22 - Nau Brah Ndu Ngơi 2023

²² “Brah Yêhôva, jêng Brah ma lĕ phung brah! Brah Yêhôva, jêng Brah ma lĕ phung brah! Păng gĭt nau aơ jêh ri phung Israel mra gĭt đŏng nau aơ! Tơlah aơ jêng nau tâm rdâng mâu lah mâu răp jăp ôh đah Brah Yêhôva, nar aơ lơi ta nhhuach ma hên ôh!

Yôsuê 22:22 ပူးပေါင်းရင်းမြစ်များ

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Ndrom Samƀŭt bơh Yôp 23:10

Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Ndrom Samƀŭt bơh Yôp 31:22

Pôri dăn ăn bôk gâp tăch bơh trô ko, Jêh ri ti gâp pă tăch bơh nting chiăng.

Nau Mprơ Ơm 136:2

Tâm rnê lah ueh hom ma Brah Ndu ma lĕ phung brah, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 40:9

Gâp hŏ mbơh jêh nau maak ma nau sŏng srăng May Ta nklang phung tâm rƀŭn âk ngăn, Nanê̆ ngăn, gâp mâu dơi prăp ôh trôm mbung; Ơ Brah Yêhôva, May gĭt nau nây.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Mprơ Ơm 44:22

N'hêl nanê̆, yor May yơh bu nkhĭt hên ăp nar, Bu uănh hên tâm ban ma biăp djôt hăn ƀư puăch.

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Mika 7:9

Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 1:24

Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

Kôranh Oh Mon 25:11

Tơlah gâp geh nau kue mâu lah ƀư tih khư nau khĭt, gâp mâu dun nau khĭt ôh; ƀiălah, tơlah khân păng mâu geh nau mbơh gay kât nau tih gâp, mâu geh du huê dơi jao gâp ma khân păng ôh. Gâp ŭch dăn nau aơ tât ta Sêsar.”

II Kôrintô 11:11

Mâm ƀư kơt nĕ? Yorlah gâp mâu rŏng ma khân may hĕ? Brah Ndu gĭt nau nây!

II Kôrintô 11:31

Brah Ndu, Mbơ̆ ma Kôranh Brah jêng Brah Yêsu, jêng Nơm geh nau tâm rnê n'ho ro, Păng gĭt gâp mâu ngơi mƀruh.

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Yôsuê 22:21

Rnôk nây, phung Ruben, phung Gat, jêh ri du n'gul ndŭl mpôl Manasê plơ̆ lah ma phung kôranh rnăk vâl âk rbăn rmưn phung Israel pô aơ:

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.