Yôsuê 22:18 - Nau Brah Ndu Ngơi 2023

¹⁸ Ƀiălah tâm nar aơ khân may chalơi tay Brah Yêhôva ƀơh? Tơlah nar aơ khân may tâm rdâng đah Brah Yêhôva, nar ôi taơ Păng mra ji nuih ngăn yơh ma lĕ phung Israel tâm rƀŭn.

Yôsuê 22:18 ပူးပေါင်းရင်းမြစ်များ

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

I Phung Hađăch 9:6

Ƀiălah tơlah may mâu lah kon sau may der bơh Gâp, mâu djôt prăp ôh lĕ nau vay ntăm jêh ri lĕ nau vay dăp bơh Gâp hŏ ntăm jêh, ƀiălah khân may hăn pah kan ma brah êng jêh ri yơk mbah ma khân păng,

II Phung Hađăch 17:21

Tơlah Păng nkhêk phung Israel luh bơh ngih Y-Đavit, khân păng njêng Y-Jêrôbôam, kon bu klâu Y-Nêbat, ƀư hađăch. Y-Jêrôbôam ndơm phung Israel chalơi Brah Yêhôva, jêh ri nsŭk ma khân păng ƀư tih toyh ngăn.

I Nau Rêh Jêng 21:1

Satan dâk tâm rdâng đah phung Israel, jêh ri nsŭk nsôr Y-Đavit kơp rnoh bunuyh.

I Nau Rêh Jêng 21:14

Brah Yêhôva njuăl nau ji tưp tât ma phung Israel ƀư ma pơh rmưn bunuyh Israel cha lôt khĭt.

II Nau Rêh Jêng 25:27

Ntơm bơh rnôk Y-Amasia chalơi Brah Yêhôva, geh nơm tâm nchră tâm rdâng đah hađăch ta ƀon Yêrusalem. Hađăch du nchuăt du tât ma Lakis, ƀiălah bu hăn tĭng păng tât ta ƀon Lakis jêh ri nkhĭt păng ta nây.

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Kơp Bunuyh 32:15

Tơlah khân may đŏng chalơi Păng, Păng mra chalơi phung ƀon lan aơ tâm bri rdah jêh ri khân may mra ƀư ăn khân păng rai lĕ.”

Nau Vay Nkah Tay 7:4

yorlah khân păng mra ƀư ma phung kon khân may chalơi Kôranh Brah gay pah kan ma phung brah êng, ƀư ma Brah Yêhôva ji nuih ma khân may jêh ri ƀư rai ro khân may.

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

Yôsuê 22:16

“Lĕ rngôch phung tâm rƀŭn Brah Yêhôva lah: ‘Mâm ƀư khân may ƀư tih jêh mâu răp jăp đah Brah Ndu phung Israel pônây? Mâm ƀư nar aơ khân may chalơi Brah Yêhôva gay khân may ndâk du nơng ƀư brah tâm rdâng đah Păng?

Yôsuê 22:20

Mâu di hĕ Y-Akan, kon bu klâu Y-Sêra hŏ ƀư tih mâu răp jăp ôh yor ndơ prăp ma nau ƀư rai jêh, dĭng nau ji nuih Brah Yêhôva hao tât ma lĕ phung Israel tâm rƀŭn? Jêh ri mâu di knŏng du huê păng nơm ôh khĭt yor nau kue păng!’”

Yôsuê 7:1

Ƀiălah phung ƀon lan Israel hŏ ƀư tih, yor mâu răp jăp ma lĕ ndơ prăp ma nau ƀư rai, yorlah Y-Akan, kon bu klâu Y-Karmi, sau Y-Sapdi, se Y-Sêra, bơh ndŭl mpôl Yuđa, hŏ geh sŏk ndơ prăp ma nau ƀư rai, jêh ri Brah Yêhôva ji nuih ngăn đah phung ƀon lan Israel.

Yôsuê 7:11

Phung Israel ƀư tih jêh, khân păng ƀư tih đah nau tâm rnglăp Gâp hŏ ntăm jêh: Khân păng sŏk jêh lĕ ndơ prăp ma nau ƀư rai, ntŭng, ndơm mƀruh, rlau lơn ma nĕ pôn ndơ nây nsum tâm ndơ dŏng păng nơm.

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”

I Samuel 12:14

Tơlah khân may klach yơk ma Brah Yêhôva, pah kan ma Păng, iăt tông tĭng nau Păng ngơi, mâu tâm rdâng ôh lĕ nau vay Păng ntăm, tơlah khân may jêh ri hađăch chiă uănh khân may, tông bâr ma Brah Ndu khân may, pôri jêng ueh ngăn ma khân may.

I Samuel 12:20

Y-Samuel plơ̆ lah ma phung ƀon lan: “Lơi klach ôh! Ngăn, khân may lĕ ƀư jêh lĕ rngôch nau mhĭk aơ; ƀiălah, khân may lơi chalơi ôh Brah Yêhôva, ƀiălah ăn lĕ nuih n'hâm pah kan ma Păng,