Yôsuê 21:44 - Nau Brah Ndu Ngơi 2023

⁴⁴ Brah Yêhôva ăn ma khân păng tâm lam ntŭk dơi geh tâm nau mpăn rlêk, di tĭng nâm Păng ton jêh ma phung chô yau khân păng, mâu geh ôh phung rlăng dơi dâk tanăp khân păng. Brah Yêhôva jao jêh lĕ rngôch phung rlăng nây tâm ti khân păng.

Yôsuê 21:44 ပူးပေါင်းရင်းမြစ်များ

II Nau Rêh Jêng 13:16

Phung Israel nchuăt du đah phung Yuđa, jêh ri Brah Ndu jao khân păng tâm ti phung Yuđa.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Nau Ngluh Êjipt 33:14

Brah Yêhôva lah: “Gâp nơm mra hăn ndrel ma may, jêh ri Gâp mra ăn nau rlu ma may.”

Êsai 63:14

Brah Huêng Ueh Brah Yêhôva hŏ ƀư ăn jêh ma phung ƀon lan Păng gŭ rlu, Tâm ban ma phung mpô mpa rong jŭr hăn ta rlŭng joi ntŭk rlu. May njŭn jêh phung ƀon lan May Gay amoh May dơi chrêk rmah.

Nau Vay Nkah Tay 2:36

Ntơm bơh Arôer gŭ ta kơh dak krong Arnôn, jêh ri bơh ƀon toyh gŭ tâm rlŭng tât ta Gilêat, mâu geh ôh du ƀon toyh nâp ir đah he. Yêhôva Brah Ndu he hŏ jao jêh ăp ntil ma he.

Nau Vay Nkah Tay 21:10

“Lah khân may hăn ma nau tâm lơh đah phung rlăng jêh ri Yêhôva Brah Ndu lĕ jao khân păng tâm ti khân may, jêh ri khân may nhŭp khân păng jêng bu nă;

ហេឞ្រើ 4:9

Pôri ăt hôm du nau rlu nar Saƀat ma phung mpôl băl Brah Ndu.

Yôsuê 1:13

“Kah gĭt tay hom nau ngơi Y-Môis, oh mon Brah Yêhôva, hŏ ntăm jêh ma khân may pô aơ: ‘Yêhôva Brah Ndu khân may ăn ma khân may du ntŭk rlu jêh ri ăn neh aơ ma khân may.’

Yôsuê 1:15

kŏ tât Brah Yêhôva ăn nau rlu ma phung oh nâu khân may, tâm ban hŏ ăn jêh ma khân may, jêh ri khân păng tâm ban đŏng dơn neh Yêhôva Brah Ndu khân may ăn ma khân păng. Jêh nau nây khân may mra plơ̆ sĭt pit sŏk drăp ndơn jêng neh Y-Môis, oh mon Brah Yêhôva, ăn jêh ma khân may mpeh đah aơ dak krong Yurdan, mpeh luh nar.”

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 22:4

Aƀaơ ri, Yêhôva Brah Ndu khân may ăn jêh ma phung oh nâu khân may rlu đăp mpăn di tĭng nâm nau Păng ton jêh ma khân păng. Pônây plơ̆ sĭt hom ma ngih khân may tâm n'gor neh jêng ndơ khân may, Y-Môis, oh mon Brah Yêhôva ăn jêh ma khân may ta kơh đah ri dak krong Yurdan.

Yôsuê 22:9

Pônây, phung Ruben, phung Gat, jêh ri du n'gul ndŭl mpôl Manasê tâm nkhah đah phung ƀon lan Israel ta ƀon Silô tâm bri Kanaan, gay plơ̆ sĭt ma bri Gilêat, jêng kô̆ neh khân păng nơm hŏ pit sŏk jêh tĭng nâm nau Brah Yêhôva ntăm jêh ma Y-Môis.

Yôsuê 23:1

Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,