Yôsuê 21:43 - Nau Brah Ndu Ngơi 2023

⁴³ Pônây, Brah Yêhôva ăn ma phung Israel lĕ bri Păng ton jêh ăn ma khân păng pit sŏk jêh ri gŭ tâm bri nây.

Yôsuê 21:43 ပူးပေါင်းရင်းမြစ်များ

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

II Nau Rêh Jêng 20:8

Khân păng gŭ jêh ta nây jêh ri ndâk jêh ma amoh May du ngih brah kloh ueh, jêh ri lah pô aơ:

Nêhêmi 9:24

Pôri phung kon sau khân păng lăp sŏk chăm bri. May ƀư ăn phung tâm n'gor nây jêng phung Kanaan lăp gŭ tâm dâng khân păng, Jao phung nây jêh ri phung hađăch khân păng Nđâp ma lĕ ntil mpôl bunuyh êng tâm n'gor nây tâm ti khân păng, Gay ma khân păng dơi ƀư ma lĕ ntil mpôl bunuyh nây tĭng nâm nau mĭn khân păng ŭch.

Nêhêmi 9:8

Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Nau Kơp Bunuyh 33:53

Khân may mra dơn n'gor nĕ jêng drăp ndơn jêh ri gŭ ta nây, yorlah Gâp ăn jêh n'gor nây jêng drăp ndơn ma khân may.

Nau Kơp Bunuyh 34:2

“Ntĭnh hom ma phung ƀon lan Israel pô aơ: ‘Nôk khân may lăp jêh tâm n'gor Kanaan jêng n'gor ma khân may dơn jêng drăp ndơn, n'har n'gor nây kơt aơ:

Nau Vay Nkah Tay 11:31

Khân may mra rgăn dak krong Yurdan gay lăp pit sŏk n'gor Yêhôva Brah Ndu ăn ma khân may. Pôri lah khân may pit sŏk jêh ri gŭ tâm n'gor nây,

Nau Vay Nkah Tay 12:29

Lah Yêhôva Brah Ndu lĕ ƀư rai jêh bơh khân may đơ phung ndŭl mpôl, khân may mra hăn lăp gay nsot lơi, jêh ri dôl hŏ nsot lơi jêh khân păng jêh ri khân may gŭ tâm n'gor nây

Nau Vay Nkah Tay 17:14

“Lah khân may lĕ lăp tâm n'gor Yêhôva Brah Ndu ăn ma khân may, dơn n'gor jêng drăp ndơn jêh ri gŭ ta n'gor nây, khân may lah tay: ‘He mra dăp du huê hađăch chiă uănh he tâm ban ma phung ndŭl mpôl bunuyh gŭ jŭm he.’

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 21:42

Ăp rplay ƀon nây geh lĕ ndrêch gơ̆ gŭ văr jŭm păng jêh ri lĕ rngôch ƀon aơ kơt nây da dê.

Phung Kôranh Phat Dôih 11:24

Mâu di hĕ may dơi dơn n'gor jêng moh Chêmôs, jêng brah ma may, hŏ ăn jêh ma may phă? Pôri, he tâm ban đŏng dơn n'gor lĕ bunuyh Yêhôva Brah Ndu hên mprơh jêh phung gŭ ta nây luh bơh he.

I Samuel 12:8

Jêh Y-Yakôb tât ta n'gor bri Êjipt, chô yau khân may vơl dăn ma Brah Yêhôva, Păng prơh Y-Môis jêh ri Y-Arôn hăn njŭn leo chô yau khân may du luh tă bơh n'gor bri Êjipt, jêh ri ăn ma khân păng gŭ tâm ntŭk aơ.