Yôsuê 21:27 - Nau Brah Ndu Ngơi 2023

²⁷ Bu sŏk đŏng lĕ ƀon bơh du n'gul ndŭl mpôl phung Manasê. Nĕ jêng ƀon Gôlan tâm bri Basan, jêng ƀon du krap prăp ma nơm lăn lêh ti nkhĭt bunuyh ăn ma phung kon sau Y-Gersôn tâm rnăk vâl Lêvi, jêh ri lĕ ndrêch gơ̆ gŭ văr jŭm păng; ƀon Bêtêra jêh ri lĕ ndrêch gơ̆ gŭ văr jŭm păng. Lĕ rngôch jêng puăn rplay ƀon.

Yôsuê 21:27 ပူးပေါင်းရင်းမြစ်များ

I Nau Rêh Jêng 6:47

Y-Sêmer kon Y-Mahil, Y-Mahli kon Y-Musi, Y-Musi kon Y-Mêrari, Y-Mêrari kon Y-Lêvi.

I Nau Rêh Jêng 6:71

Bơh tâm phung ndŭl mpôl du n'gul ndŭl mpôl Manasê, phung kon sau Gersôm dơn ƀon Gôlan tâm n'gor Basan ndrel ma lĕ ndrêch gơ̆ văr jŭm, ƀon Astarôt ndrel ma ndrêch gơ̆ văr jŭm.

Nau Vay Nkah Tay 1:4

Nau aơ tât jêh păng dơi lơh đah Y-Sihôn hađăch phung Amôrit, gŭ ta Hêsbôn, jêh ri Y-Ôk hađăch n'gor Basan, gŭ ta Astarôt jêh ri ta Êdrei.

Nau Vay Nkah Tay 4:43

Nây jêng ƀon toyh Bêser tâm bri rdah, ta neh lâng klơ dor, prăp ma phung Ruben; ƀon toyh Ramôt tâm n'gor Gilêat prăp ma phung Gat; jêh ri ƀon toyh Gôlan tâm n'gor Basan prăp ma phung Manasê.

Yôsuê 20:8

N'gor đah ri dak krong Yurdan, mpeh luh nar ƀon Yêrikô, khân păng ntĭm ƀon Bêser tâm bri rdah, tâm neh lâng klơ dor tâm ndŭl mpôl Ruben, ƀon Ramôt tâm bri Gilêat, tâm ndŭl mpôl Gat jêh ri ƀon Gôlan tâm bri Basan, tâm ndŭl mpôl Manasê.

Yôsuê 21:26

Lĕ rngôch jêng jât ƀon jêh ri lĕ ndrêch gơ̆ gŭ văr jŭm păng prăp ma lĕ ndŭl mpôl hôm e bơh noi deh Kôhat.

Yôsuê 21:28

Bu sŏk đŏng lĕ ƀon bơh ndŭl mpôl Isakar, nĕ jêng ƀon Kisiôn jêh ri lĕ ndrêch gơ̆ gŭ văr jŭm păng; Dabêrat jêh ri lĕ ndrêch gơ̆ gŭ văr jŭm păng;

Yôsuê 21:6

Phung kon sau Y-Gersôn nchroh n'hôr geh jât ma pe rplay ƀon bơh ndŭl mpôl Isakar, ndŭl mpôl Aser, ndŭl mpôl Naptali, jêh ri du n'gul ndŭl mpôl Manasê ta Basan.