Yôsuê 21:18 - Nau Brah Ndu Ngơi 2023

¹⁸ ƀon Anathôt jêh ri lĕ ndrêch gơ̆ gŭ văr jŭm păng; ƀon Almôn jêh ri lĕ ndrêch gơ̆ gŭ văr jŭm păng. Lĕ rngôch jêng puăn ƀon.

Yôsuê 21:18 ပူးပေါင်းရင်းမြစ်များ

II Samuel 23:27

Y-Abiêser bơh Anathôt, Y-Mêbunai bunuyh Husa,

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

I Nau Rêh Jêng 6:60

Ntơm bơh ndŭl mpôl Benjamin, bu ăn ma khân păng ƀon Gêba, ndrel ma lĕ ndrêch gơ̆ văr jŭm; ƀon Alêmet, ndrel ma lĕ ndrêch gơ̆ văr jŭm; ƀon Anathôt, ndrel ma ndrêch gơ̆ văr jŭm. Lĕ rngôch ƀon khân păng dơn jêh jêng jât ma pe rplay ƀon tĭng nâm ndŭl mpôl khân păng.

Nêhêmi 11:32

jêh ri ta Anathôt, Nôp, Anania,

Êsai 10:30

Ơ kon bu ur ƀon Galim, nter hom ăn huy! Ơ phung Laisa, rkêng tôr iăt hom! Yô̆ nđach ngăn ma phung Anathôt!

Yêrêmi 1:1

Aơ jêng nau Y-Yêrêmi mbơh, kon bu klâu Y-Hilkia, du huê tâm phung kôranh ƀư brah gŭ ta Anathôt, n'gor Benjamin.

Yôsuê 21:17

Bu sŏk đŏng lĕ ƀon bơh ndŭl mpôl Benjamin ăn ma khân păng. Nây jêng ƀon Gibêôn jêh ri lĕ ndrêch gơ̆ gŭ văr jŭm păng; ƀon Gêba jêh ri lĕ ndrêch gơ̆ gŭ văr jŭm păng;

Yôsuê 21:19

Lĕ ƀon phung kôranh ƀư brah, phung kon sau Y-Arôn, lĕ rngôch jêng jât ma pe ƀon jêh ri lĕ ndrêch gơ̆ gŭ văr jŭm păng.