Yôsuê 2:24 - Nau Brah Ndu Ngơi 2023

²⁴ Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 2:24 ပူးပေါင်းရင်းမြစ်များ

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Nau Hôr 25:13

Nơm ntuh bâr răp jăp ndrel ma nơm đă păng hăn Nâm bu pler nđik rngêt tâm nar yan rek, Yorlah păng ntop n'hâm suan ma huêng kôranh păng nơm.

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.

Yôsuê 2:23

Bar hê n'hut uănh nây hăn trŭnh tă bơh yôk plơ̆ sĭt, rgăn dak krong Yurdan jêh ri tât ma Y-Yôsuê, kon bu klâu Y-Nun, jêh ri nkoch bri ma păng lĕ nau tât jêh ma khân păng.

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 6:2

Brah Yêhôva lah ma Y-Yôsuê: “Aơ, Gâp hŏ jao Yêrikô, hađăch jêh ri lĕ phung janh ktang păng tâm ti may.

Yôsuê 8:1

Jêh nau nây, Brah Yêhôva lah ma Y-Yôsuê: “Lơi klach, mâu lĕ rdja nuih n'hâm! Djôt leo hom lĕ rngôch phung tahan hăn tĭng may, dâk hom jêh ri hăn hao gay lơh ƀon Ai. Aơ, Gâp jao jêh hađăch ƀon Ai, phung ƀon lan păng, ƀon păng, jêh ri neh păng tâm ti may.

Phung Kôranh Phat Dôih 1:2

Brah Yêhôva plơ̆ lah: “Phung ndŭl mpôl Yuđa hăn hao lor. Aơ, Gâp hŏ jao jêh n'gor nây tâm ti khân păng.”

Phung Kôranh Phat Dôih 18:10

Tơlah lăp n'gor bri nây, khân may mra saơ ma du phung ƀon lan ueh, bri aơ dĭ toyh ƀiălah Brah Ndu jao jêh păng tâm ti khân may. Nanê̆ ngăn jêng ntŭk mâu pưt ôh du ntil ndơ ta neh ntu.”

Phung Kôranh Phat Dôih 7:9

Tâm măng nây, Brah Yêhôva lah ma Y-Gidêôn: “Dâk hom, hăn trŭnh rduh lơh rmlak tahan Madian, yorlah Gâp jao jêh khân păng tâm ti may.