Yôsuê 2:18 - Nau Brah Ndu Ngơi 2023

¹⁸ Tơlah hên lăp jêh tâm bri aơ, ăn ay kât rse sut chăng aơ ta mpông bloh ntŭk ay hŏ njŭr hên trŭnh, jêh nây ay rgum mê̆ mbơ̆, phung oh nâu, jêh ri lĕ rngôch phung tâm ngih mbơ̆ ay gŭ tâm ngih ay.

Yôsuê 2:18 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 7:1

Brah Yêhôva lah ma Y-Nôê: “May jêh ri lĕ rnăk may lăp hom tâm kumpăn, yorlah tâm rô̆ aơ Gâp saơ may jêng du huê bunuyh sŏng srăng tanăp măt Gâp.

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Nau Ngluh Êjipt 12:13

Mhĭng mham ta klơ ngih khân may dôl gŭ, mra jêng nau tâm mbên ăn ma khân may. Nôk Gâp ƀư nau nđêh nji tâm n'gor Êjipt, saơ mham nây Gâp mra hăn rgăn jêh ri mâu mra geh ôh nau mhĭk tât gay ƀư rai khân may.

Nau Mprơ Ueh 4:3

Ndôi ay nâm bu rse brai dŭm, Mbung ay ueh reh; Bar trô bom ay nâm bu play pom gra nat plah bar, Bok dŭm pakơi bok nkŭm muh măt.

Kan Lêvi 14:4

kôranh ƀư brah mra ntăm ma nơm dăch ƀư nau kloh, sŏk bar mlâm sĭm rêh kloh, du n'gâng tơm si sêdar, du rse brai sut chăng rhưch jêh ri n'gĭng hisôp.

Nau Kơp Bunuyh 19:6

Jêh nây, kôranh ƀư brah mra sŏk tơm si sêdar, n'gĭng hisôp jêh ri brai chăng rhưch, jêh ri mƀăr ndơ nây ta nklang ndrôk me dôl hit ŭnh.

Nau Kơp Bunuyh 4:8

Khân păng nkŭm du blah bok sut chăng rhưch ta klơ lĕ ndơ nây, ling ntop du blah ntâu ka toyh, jêh nây nsro mâng tung lăp.

Luka 19:9

Brah Yêsu lah ma păng: “Nar aơ nau tâm rklaih lăp jêh tâm ngih aơ, yorlah nơm aơ ăt jêng kon sau Y-Abraham.

Kôranh Oh Mon 10:27

Jêh ngơi ndrel đah Y-Kôrnei, Y-Pêtrôs lăp tâm ngih, saơ âk bunuyh tâm rƀŭn.

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 11:14

Păng mra mbơh ma may lĕ nau ngơi gay tă bơh nĕ may jêh ri lĕ ngih may mra dơi tâm rklaih.’

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

ហេឞ្រើ 9:19

Yorlah nôk Y-Môis mbơh lĕ nau vay ntăm tâm nau vay ma phung ƀon lan, păng sŏk mham kon ndrôk jêh ri be nkuăng, ndrel ma dak, rse chăng krăk jêh ri n'gĭng hisôp, păng djrah ta ndrom samƀŭt jêh ri ndrel ma lĕ rngôch ƀon lan

Yôsuê 2:21

Păng plơ̆ lah: “Ƀư di nâm nau khân may hŏ lah.” Jêh nây păng đă ma khân păng hăn, jêh ri khân păng luh hăn. Păng kât rse sut chăng ta mpông bloh.

Yôsuê 6:23

Pônây bar hê phung ndăm hŏ hăn n'hut uănh jêh lăp tâm ngih nây, ngluh H'Rahap, mbơ̆ mê̆ păng, phung oh nâu păng, jêh ri lĕ ndô ndơ păng luh bơh ngih păng. Khân păng djôt leo lĕ phung tâm ngih păng luh jêh ri ăn khân păng gŭ padih pôih tahan phung Israel.

Yôsuê 6:25

Ƀiălah Y-Yôsuê prăp nau rêh ma H'Rahap bu ur văng tĭr nđâp ma ngih mbơ̆ păng jêh ri lĕ rngôch ndơ păng. Păng gŭ rêh tâm nklang phung Israel kŏ tât ta nar aơ, yorlah păng sâm pôn jêh phung mbơh bơh Y-Yôsuê đă hăn n'hut uănh Yêrikô.