Yôsuê 18:28 - Nau Brah Ndu Ngơi 2023

²⁸ Sêla Hêlep, Jêbus, jêng Yêrusalem, Gibêa, Kiriat. Lĕ rngôch jêng jât ma puăn ƀon ndrel ma lĕ ƀon jê̆ khân păng. Nây yơh jêng drăp ndơn ma phung kon sau Y-Benjamin tĭng nâm ăp rnăk vâl khân păng.

Yôsuê 18:28 ပူးပေါင်းရင်းမြစ်များ

II Samuel 21:14

jêh ri khân păng tâp nting Y-Sôl jêh ri Y-Jônathan tâm môch Y-Kis, mbơ̆ Y-Sôl, ta ƀon Sêla, tâm n'gor Benjamin. Jêh bu ƀư lôch jêh lĕ nau hađăch ntĭnh jêh, Brah Ndu tăng nau bu mbơh sơm ma bri dak.

II Samuel 23:29

Y-Hêlep kon Y-Bana bơh Nêtôphat, Y-Itai kon Y-Ribai bơh Gibêa phung Benjamin,

II Samuel 5:6

Hađăch jêh ri phung tĭng ndô̆ păng hăn tât ta Yêrusalem, lơh phung Jêbusit, jêng phung ƀon lan gŭ tâm n'gor tơm. Khân păng lah ma Y-Đavit: “May mâu dơi văch lăp ta aơ ôh, phung chieh măt jêh ri phung rvĕn ăt tŏng nau ktang lơh mprơh may!” Khân păng mĭn: “Y-Đavit mâu dơi văch lăp ta aơ ôh.”

II Samuel 5:8

Tâm nar nây, Y-Đavit lah: “Lĕ rngôch phung ŭch tâm lơh đah phung Jêbusit, hăn tĭng hom trong ntu gay hăn trŭnh sŏk dak jêh ri tâm lơh đah phung rvĕn jêh ri phung chieh măt, jêng phung rlăng Y-Đavit.” Yor nau nây geh trong: “Phung chieh măt jêh ri phung rvĕn mâu mra dơi lăp tâm ngih ôh.”

I Nau Rêh Jêng 8:28

Phung nây jêng phung kôranh tâm noi deh, kôranh toyh tâm noi deh khân păng, jêh ri gŭ tâm ƀon Yêrusalem.

Êsai 10:29

Hăn rgăn yôk, khân păng lah: “He mra ndâk vâl bok bê̆ch măng ta Gêba.” Rama râm nsâr, Gibêa ƀon Y-Sôl nchuăt du!

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Ndrom Samƀŭt bơh Ôsê 10:9

Hơi Israel, ntơm bơh nar Gibêa, may hŏ ƀư tih jêh! Khân păng dâk ta nây da dê; Mâu hĕ nau tâm lơh dơi ban Phung kon nau djơh mhĭk tâm Gibêa?

Nau Kơp Bunuyh 26:38

Phung kon sau Y-Benjamin tĭng nâm phung ndŭl mpôl glom geh: Y-Bêla deh luh ndŭl mpôl Bêla; Y-Asbel deh luh ndŭl mpôl Asbel; Y-Ahiram deh luh ndŭl mpôl Ahiram;

Nau Kơp Bunuyh 26:54

Ma ndŭl mpôl geh rnoh bunuyh âk lơn, may pă hom drăp ndơn toyh lơn ma khân păng, jêh ri ndŭl mpôl geh rnoh bunuyh djê̆ lơn, pă hom drăp ndơn jê̆ lơn. Ăp ndŭl mpôl mra dơi ăn drăp ndơn tĭng nâm rnoh hŏ kơp jêh,

Nau Kơp Bunuyh 33:54

Nchroh n'hôr hom gay tâm pă n'gor tĭng nâm ndŭl mpôl khân may. Ndŭl mpôl âk lơn ăn khân may ăn drăp ndơn toyh lơn; hôm ma ndŭl mpôl djê̆ ăn khân may ăn drăp ndơn jê̆ lơn. Ăp nơm mra dơn kô̆ păng nơm tĭng nâm nau nchroh n'hôr păng geh dơi. Ăt tĭng ăp ndŭl mpôl phung chô yau khân may gay tâm pă n'gor.

Yôsuê 15:63

Phung Yuđa mâu dơi mprơh ôh phung Jêbusit gŭ tâm Yêrusalem. Pônây phung Jêbusit hôm gŭ ndrel ma phung ƀon lan Yuđa ta Yêrusalem kŏ tât ta nar aơ.

Yôsuê 15:8

Bơh nây, n'har hao dăch rlŭng Ben-Hinôm, tĭng dor yôk mpeh pa dâng Jêbusit, jêng Yêrusalem. Jêh nĕ, n'har hao tât ma n'gơn yôk tâm tham rlŭng Hinôm mpeh nhâp nar, ta bôl mpeh pa lơ rlŭng Rêphaim.

Yôsuê 18:16

jêh nây hăn trŭnh ta jâng yôk tâm tham rlŭng Ben-Hinôm, mpeh pa lơ rlŭng Rêphaim. Păng hăn trŭnh rlŭng Hinôm ta pakơi ƀon phung Jêbusit, mpeh rđŭng, jêh nây trŭnh tât ta Ên-Rôgel.

Yôsuê 18:27

Rêkem, Gêrpêel, Tarala,

Yôsuê 19:1

Ndŭl mpôl phung Simêôn nchroh n'hôr dơi geh kô̆ neh tal bar tĭng nâm ăp rnăk vâl khân păng. Drăp ndơn ndŭl mpôl nây gŭ ta nklang drăp ndơn phung kon sau Y-Yuđa.

Phung Kôranh Phat Dôih 1:21

Ƀiălah phung kon sau Benjamin mâu mprơh ôh phung Jêbusit gŭ tâm ƀon Yêrusalem, pônây phung Jêbusit ăt hôm gŭ n'hanh ma phung kon sau Benjamin kŏ tât ta nar aơ.

Phung Kôranh Phat Dôih 19:10

Ƀiălah bu klâu nây mâu ŭch bê̆ch ôh rĭ dĭng dâk jêh ri hăn. Bunuyh Lêvi tât ntŭk tâm tham đah Jêbus, jêng Yêrusalem, ndrel ma bar mlâm seh bri geh dăp ưn jêh ri geh đŏng ur yông.

I Samuel 10:26

Y-Sôl tâm ban lĕ sĭt ma ngih păng nơm ta Gibêa, Brah Ndu nsŭk nsôr nuih n'hâm phung tahan janh ktang hăn tĭng păng.