Yôsuê 18:26 - Nau Brah Ndu Ngơi 2023

²⁶ Mispê, Chêphira, Môsa,

Yôsuê 18:26 ပူးပေါင်းရင်းမြစ်များ

II Samuel 4:2

Rnôk nây, kon Y-Sôl geh bar hê kôranh tahan hăn nsong lơh: du huê bunuyh amoh Y-Bana, du huê bunuyh amoh Y-Rêkap; lĕ bar hê jêng kon Y-Rimôn ta Bêrôt bơh noi deh phung Benjamin — Phung Bêrôt nâm bu phung Benjamin,

I Phung Hađăch 15:22

Hađăch Asa tâm rƀŭn lĕ rngôch phung Yuđa, mâu lơi du huê ôh jêh ri khân păng văch tât djôt lŭ jêh ri tơm si Y-Baêsa hŏ dŏng ndâk pôih ta Rama. Hađăch Asa dŏng lĕ ndơ nây ndâk njêng ƀon Gêba tâm n'gor Benjamin jêh ri Mispa.

II Phung Hađăch 25:23

Tơlah lĕ rngôch phung kôranh tahan jêng Y-Ismaêl, kon bu klâu Y-Nêthania; Y-Jôhanan, kon bu klâu Y-Karêa; Y-Sêraya, kon bu klâu Y-Tanhumet tâm ƀon Nêtôphat; Y-Jasania, kon bu klâu Y-Makatit, jêh ri phung tahan khân păng, gĭt da dê ma hađăch Babilôn hŏ dơm jêh Y-Gêdalia ƀư kôranh chiă uănh, pôri khân păng hăn tât ma păng ta ƀon Mispa.

Êsra 2:25

Phung kon sau Y-Kiriat-Jêarim, Y-Chêphira, jêh ri Y-Bêrôt geh pơh rhiăng puăn jât ma pe nuyh.

Yêrêmi 40:6

Y-Yêrêmi hăn tât ta ntŭk Y-Gêdalia, kon bu klâu Y-Ahikam, ta ƀon Mispa, jêh ri gŭ rêh ndrel ma păng ta nklang phung ƀon lan hôm klen tâm n'gor.

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 18:25

Gibêôn, Rama, Bêrôt,

Yôsuê 18:27

Rêkem, Gêrpêel, Tarala,

Yôsuê 9:17

Yor ri, phung ƀon lan Israel dâk hăn trong, jêh ri tât ta ƀon khân păng nar tal pe. Lĕ ƀon khân păng jêng ƀon Gibêôn, ƀon Chêphira, ƀon Bêrôt, jêh ri ƀon Kiriat-Jêarim.

Phung Kôranh Phat Dôih 10:17

Phung ƀon lan Ammôn rgum băl jêh ri ndâk ngih bok tâm n'gor Gilêat. Phung ƀon lan Israel tâm ban đŏng rgum băl jêh ri ndâk ngih bok ta Mispa.

Phung Kôranh Phat Dôih 11:34

Y-Jêptê plơ̆ sĭt tay ma ngih păng ta Mispa, jêh ri aơ, kon bu ur păng djôt leo gâr jê̆ jêh ri pâl ntalơ̆ tâm mâp păng. Bu ur jêng kon bu ur păng, padih bu ur nây mâu hôm geh ôh kon bu ur mâu lah kon bu klâu êng đŏng.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

I Samuel 7:16

Ăp năm păng hăn nsong ma Bêthel, Gilgal, Mispa jêh ri phat dôih phung Israel tâm lĕ rngôch ƀon toyh nây.

I Samuel 7:5

Jêh nau nây, Y-Samuel lah: “Tâm rgum hom lĕ rngôch phung Israel ta Mispa, gâp mra mbơh sơm ma Brah Yêhôva yor khân may.”

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.