Yôsuê 17:14 - Nau Brah Ndu Ngơi 2023

¹⁴ Phung kon sau Y-Yôsep ngơi ma Y-Yôsuê: “Hên hŏ jêng jêh du phung ƀon lan lĕ bĭk rơ̆, yorlah Brah Yêhôva ăn nau ueh uĭn ma hên kŏ nar aơ. Pônây nâm ƀư may ăn ma hên knŏng geh du kô̆ neh jêng drăp ndơn hên dơm?”

Yôsuê 17:14 ပူးပေါင်းရင်းမြစ်များ

Nau Ntơm 48:19

Ƀiălah mbơ̆ păng dun jêh ri lah: “Hơi kon, mbơ̆ gĭt rah vah ngăn. Y-Manasê mra dơi jêng du phung ƀon lan jêh ri păng mra jêng toyh đŏng. Ƀiălah oh păng mra jêng toyh lơn ma păng jêh ri noi deh oh păng mra dơi jêng âk mpôl băl bunuyh.”

Nau Ntơm 48:20

Nar nây, păng ăn nau ueh uĭn ma bar hê kon se: “Phung Israel mra sŏk amoh bar hê kon se jê̆ gay ăn nau ueh uĭn ndrăng khân păng pô aơ: ‘Dăn Brah Ndu ƀư ma may tâm ban ma Y-Êphraim jêh ri Y-Manasê!’” Pôri, Y-Yakôb dơm Y-Êphraim jêng lor lơn ma Y-Manasê.

Nau Ntơm 48:22

Êng may, gâp mra ăn ma may du kô̆ âk lơn ma phung oh nâu may, nây jêng n'gor yôk Sichem gâp sŏk tă bơh ti phung Amôrit ma đao jêh ri na gâp.”

Êsêkiêl 48:5

Mbot đah neh Manasê tă mpeh luh nar tât mpeh nhâp nar, mra jêng kô̆ neh ma phung Êphraim.

Nau Kơp Bunuyh 13:7

ndŭl mpôl Isakar, geh Y-Igal, kon bu klâu Y-Yôsep;

Nau Kơp Bunuyh 26:54

Ma ndŭl mpôl geh rnoh bunuyh âk lơn, may pă hom drăp ndơn toyh lơn ma khân păng, jêh ri ndŭl mpôl geh rnoh bunuyh djê̆ lơn, pă hom drăp ndơn jê̆ lơn. Ăp ndŭl mpôl mra dơi ăn drăp ndơn tĭng nâm rnoh hŏ kơp jêh,

Nau Kơp Bunuyh 36:12

Khân păng gŭ sai đah phung bu klâu tâm lĕ ndŭl mpôl phung kon sau Y-Manasê jêng kon bu klâu Y-Yôsep; kô̆ drăp ndơn khân păng hôm e mât mray tay tâm ndŭl mpôl chô yau khân păng nơm.

Yôsuê 16:4

Nĕ jêng kô̆ drăp ndơn phung kon sau Y-Yôsep jêng phung Manasê jêh ri phung Êphraim hŏ dơn jêh.

Yôsuê 17:15

Y-Yôsuê plơ̆ lah: “Tơlah khân may jêng du phung ƀon lan âk ngăn jêh ri bri klơ dor Êphraim lĕ rhăt ir, khân may hăn hao hom tât ta bri krŏng muyh jêh ri njêng ma khân may du ntŭk tâm n'gor phung Pêrisit jêh ri phung Rêphaim.”