Yôsuê 15:47 - Nau Brah Ndu Ngơi 2023

⁴⁷ Asdôt, lĕ ƀon toyh jêh ri ƀon jê̆ păng, Gaxa, lĕ ƀon toyh jêh ri ƀon jê̆ păng, tât ta dak n'hor Êjipt jêh ri ta kơh Dak Mƀŭt Toyh.

Yôsuê 15:47 ပူးပေါင်းရင်းမြစ်များ

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

II Phung Hađăch 18:8

Păng tâm lơh đah phung Philistin tât ta ƀon Gaxa jêh ri nkual neh jŭm ƀon păng, ntơm bơh ngih tŭm gak tât ma ƀon geh pôih nâp.

II Nau Rêh Jêng 26:6

Păng jă phung tahan hăn tâm lơh đah phung tahan Philistin, jêh ri lơh rlâm lĕ mpêr ƀon Gat, Japnê jêh ri mpêr Asdôt. Hađăch rdâk âk play ƀon tâm neh bri Asdôt jêh ri tâm bri Philistin.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Yêrêmi 47:1

Aơ jêng nau Yêhôva lah ma nơm mbơh lor Y-Yêrêmi ma phung Philistin, êlor ma Pharaôn tâm lơh đah ƀon Gaxa:

Yêrêmi 47:5

Gaxa poih hil bôk Ƀon Askalôn mlo. Ơ phung ƀon lan hôm klen ma Anakim, Ndah nâm jŏ khân ay may mra rek tor săk jăn khân ay may nơm?

Sôphôni 2:4

N'hêl nanê̆ ngăn, bu mra chalơi ƀon Gaxa, Ƀon Askalôn mra jêng ntŭk rngot njăp; Bu mra mprơh ƀon Asdôt luh du ta nklang bôk nar, Jêh ri bu mra rôk lơi ƀon Êkron.

Kôranh Oh Mon 8:26

Nôk nây, geh du huê tông mpăr Kôranh Brah ngơi ma Y-Philip: “Dâk hom may jêh ri hăn tât mpeh pa dâng, tĭng trong tă bơh ƀon Yêrusalem hăn trŭnh ta ƀon Gaxa. Trong nây mâu hôm ôh vay hăn.”

Nau Vay Nkah Tay 2:23

Bi ma phung Avim, kăle ri khân păng gŭ tâm ƀon jê̆ jê̆ n'ho tât ta ƀon Gaxa, phung Kaptôrim tă bơh Kaptôr tât, ƀư rai khân păng jêh ri gŭ ntrok ntŭk khân păng.)

Yôsuê 11:22

Mâu hôm geh du huê bunuyh Anakim ôh hôm gŭ tâm bri phung ƀon lan Israel; knŏng hôm rnoh djê̆ gŭ ta Gaxa, ta Gat, jêh ri ta Asdôt.

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 15:4

hăn rgăn mpeh Asmôn, lăp tâm Dak N'hor Êjipt jêh ri hăn tât ta lôch dak mƀŭt. Nây mra jêng n'har mpeh pa dâng khân may.

Yôsuê 15:46

ntơm bơh Êkron tât ta dak mƀŭt, lĕ ƀon dăch Asdôt ndrel ma ƀon jê̆ khân păng.

Yôsuê 15:48

Tâm bri klơ dor yôk geh: Samir, Jatir, Sôkô,