Yôsuê 15:13 - Nau Brah Ndu Ngơi 2023

¹³ Tĭng nâm nau vay Brah Yêhôva ntăm, Y-Yôsuê ăn ma Y-Kalep, kon bu klâu Y-Jêphunê, du kô̆ neh ta nklang phung Yuđa, jêng ƀon Kiriat-Arba, mbơ̆ Y-Anak. Nĕ jêng ƀon Hêbron.

Yôsuê 15:13 ပူးပေါင်းရင်းမြစ်များ

Nau Ntơm 13:18

Y-Abram trơn ngih bok păng hăn gŭ dăch ndru tơm guyh ta Mamrê, êp Hêbron, jêh ri ndâk ta nây du mlâm nơng ƀư brah ma Brah Yêhôva.

Nau Ntơm 23:2

H'Sara khĭt ta ƀon Kiriat-Arba, jêng ƀon Hêbron, tâm n'gor Kanaan. Y-Abraham hăn nkra nau tâp khĭt ma H'Sara jêh ri nhĭm nhhiăng ma păng.

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

I Nau Rêh Jêng 6:56

Ƀiălah bu ăn mir jêh ri ƀon jê̆ văr jŭm ƀon ma Y-Kalep, kon bu klâu Y-Jêphunê.

II Nau Rêh Jêng 11:10

Sôra, Aijalon jêh ri Hêbron, jêng lĕ ƀon nâp ktang tâm neh Yuđa jêh ri Benjamin.

Nau Kơp Bunuyh 13:30

Nôk nây ro, Y-Kalep ƀư ma phung ƀon lan gŭ rklăk hom, dôl khân păng ngơi ƀrôk đah Y-Môis, jêh ri păng lah: “Ăn he hăn hao hom jêh ri pit sŏk n'gor nây, yorlah he dơi tâm lơh.”

Nau Kơp Bunuyh 13:6

ndŭl mpôl Yuđa, geh Y-Kalep, kon bu klâu Y-Jêphunê;

Yôsuê 11:21

Rnôk nây, Y-Yôsuê pih kloh phung Anakim gŭ ta bri klơ dor yôk, lĕ ƀon Hêbron, ƀon Dêbir, ta ƀon Anap, jêh ri ta lĕ bri klơ dor yôk Yuđa tâm ban đŏng lĕ bri klơ dor yôk Israel. Y-Yôsuê ƀư rai lĕ khân păng ndrel ma lĕ ƀon khân păng.

Yôsuê 20:7

Pônây, phung ƀon lan Israel prăp êng ƀon Kêdês tâm bri Galilê, bri klơ dor Naptali, ƀon Sichem tâm bri klơ dor Êphraim jêh ri ƀon Kiriat-Arba, jêng Hêbron, tâm bri klơ dor yôk Yuđa.

Yôsuê 21:11

Bu ăn ma khân păng ƀon Kiriat-Arba, (Y-Arba jêng mbơ̆ Y-Anak), jêng Hêbron ta klơ dor Yuđa, jêh ri ma lĕ ndrêch gơ̆ văr jŭm ƀon.

Phung Kôranh Phat Dôih 1:10

Khân păng hăn lơh đŏng phung Kanaan gŭ ta ƀon Hêbron (ntơ Hêbron rnôk kăl e jêng Kiriat-Arba), dơi lơh lĕ ndŭl mpôl Y-Sêsai, Y-Ahiman, jêh ri Y-Talmai.

Phung Kôranh Phat Dôih 1:20

Ndŭl mpôl Yuđa pă ƀon Hêbron ma Y-Kalep nâm nau Y-Môis hŏ ton. Y-Kalep mprơh noi deh bơh pe kon bu klâu Y-Anak du luh bơh ƀon nây.

I Samuel 25:3

Bunuyh nây amoh Y-Nabal, tâm noi deh Y-Kalep; jêh ri ur păng jêng H'Abigêl. Bu ur nây geh nau blau mĭn jêh ri ueh, bi sai păng jêng dăng ko jêh ri janh ƀai.

I Samuel 30:14

Hên hŏ lơh jêh ta Nêgep phung Chêrêthit, n'gor bri phung Yuđa, Nêgep phung Kalep, jêh ri hên lĕ su jêh ƀon Siklak.”

I Samuel 30:31

Hêbron jêh ri lĕ rngôch ntŭk Y-Đavit jêh ri phung tĭng ndô̆ păng hŏ hăn rgăn jêh.