Yôsuê 14:15 - Nau Brah Ndu Ngơi 2023

¹⁵ Rnôk kăle Hêbron kuăl jêng Kiriat-Arba; Arba aơ jêng bunuyh juat toyh lơn tâm phung Anakim. Ntơm bơh nĕ jêh ri rlet pakơi, n'gor geh nau đăp mpăn, mâu hôm geh nau tâm lơh.

Yôsuê 14:15 ပူးပေါင်းရင်းမြစ်များ

Nau Ntơm 23:2

H'Sara khĭt ta ƀon Kiriat-Arba, jêng ƀon Hêbron, tâm n'gor Kanaan. Y-Abraham hăn nkra nau tâp khĭt ma H'Sara jêh ri nhĭm nhhiăng ma păng.

Nau Ntơm 35:27

Y-Yakôb hăn tât ntŭk Y-Isăk, mbơ̆ păng, ta Mamrê, ta ƀon Kiriat-Arba, nây jêng Hêbron. Aơ jêng ntŭk Y-Abraham jêh ri Y-Isăk hŏ gŭ jêh.

Nau Ntơm 37:14

Y-Israel lah: “Ăn may hăn uănh phung nâu may, jêh ri phung mpô mpa mâm păng geh nau ueh, jêh nây sĭt mbơh ma gâp.” Păng njuăl Y-Yôsep hăn bơh rlŭng Hêbron. Lah Y-Yôsep tât ta Sichem,

I Nau Rêh Jêng 6:4

Y-Êlêasar jêng mbơ̆ Y-Phinêas; Y-Phinêas jêng mbơ̆ Y-Abisua;

Nêhêmi 11:25

Bi ma lĕ ƀon jê̆ jêh ri mir khân păng, geh phung ƀaƀă Yuđa gŭ ta Kiriat-Arba jêh ri tâm lĕ jŭm ƀon jê̆, ta Dibôn jêh ri lĕ ƀon jê̆ jŭm, ta Jêkapsêel jêh ri lĕ ƀon jê̆ jŭm,

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 14:14

Yor ri, Hêbron dơi jêng drăp ndơn Y-Kalep, kon bu klâu Y-Jêphunê, phung Kênit, kŏ tât ta nar aơ, yorlah păng răp jăp tông tĭng Yêhôva Brah Ndu Israel.

Yôsuê 15:13

Tĭng nâm nau vay Brah Yêhôva ntăm, Y-Yôsuê ăn ma Y-Kalep, kon bu klâu Y-Jêphunê, du kô̆ neh ta nklang phung Yuđa, jêng ƀon Kiriat-Arba, mbơ̆ Y-Anak. Nĕ jêng ƀon Hêbron.

Yôsuê 21:11

Bu ăn ma khân păng ƀon Kiriat-Arba, (Y-Arba jêng mbơ̆ Y-Anak), jêng Hêbron ta klơ dor Yuđa, jêh ri ma lĕ ndrêch gơ̆ văr jŭm ƀon.

Yôsuê 21:12

Bi ma lĕ mir tâm ƀon jêh ri lĕ ƀon jê̆ păng bu ăn ma Y-Kalep, kon bu klâu Y-Jêphunê, jêng drăp ndơn păng.

Phung Kôranh Phat Dôih 1:20

Ndŭl mpôl Yuđa pă ƀon Hêbron ma Y-Kalep nâm nau Y-Môis hŏ ton. Y-Kalep mprơh noi deh bơh pe kon bu klâu Y-Anak du luh bơh ƀon nây.

Phung Kôranh Phat Dôih 3:11

N'gor geh nau đăp mpăn tâm puăn jât năm. Jêh nau nây, Y-Ôtniêl, kon bu klâu Y-Kênas, khĭt jêh.

Phung Kôranh Phat Dôih 3:30

Tâm nar nây, phung Môap gŭ tâm dâng ti phung Israel. N'gor geh nau đăp mpăn tâm pham jât năm.

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.

Phung Kôranh Phat Dôih 8:28

Phung Madian gŭ chŭn tâm dâng nau chiă uănh phung ƀon lan Israel, mâu hôm n'gơr bôk hao ôh. Tâm nau rêh Y-Gidêôn, n'gor bri geh nau đăp mpăn tâm puăn jât năm.

I Samuel 30:31

Hêbron jêh ri lĕ rngôch ntŭk Y-Đavit jêh ri phung tĭng ndô̆ păng hŏ hăn rgăn jêh.