Yôsuê 14:12 - Nau Brah Ndu Ngơi 2023

¹² Pônây, ăn hom ma gâp bri klơ dor yôk aơ tĭng nâm nau Brah Yêhôva ngơi jêh tâm nar nĕ, yorlah tâm rnôk nây may tăng jêh ta aơ geh phung Anakim nđâp ma lĕ ƀon toyh jêh ri nâp ngăn. Dăn Brah Yêhôva gŭ ndrel ma gâp gay gâp mprơh khân păng tĭng nâm Brah Yêhôva lah jêh.”

Yôsuê 14:12 ပူးပေါင်းရင်းမြစ်များ

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 60:12

Rnơm Brah Ndu, phung kon mra dơi đah tâm lơh toyh; Yorlah Păng yơh mra jot plên phung rlăng đah hên.

Nau Kơp Bunuyh 13:28

Ƀiălah, phung ƀon lan gŭ tâm n'gor nây jêng ktang, ƀon jêng toyh nâp ngăn jêh ri dĭ ngăn. Hên saơ đŏng phung kon sau Y-Anak gŭ ta nây.

Nau Kơp Bunuyh 13:33

Hên saơ phung juat toyh nây, jêng phung kon sau Y-Anak, jêng phung ƀon lan toyh juat gŭ ta nây. Hên saơ hên nơm nâm bu krah ndrach jêh ri khân păng saơ hên kơt nây đŏng.”

Nau Kơp Bunuyh 21:34

Ƀiălah Brah Yêhôva lah ma Y-Môis: “Lơi klach ôh! Yorlah Gâp hŏ jao jêh păng, lĕ rngôch phung tahan jêh ri n'gor păng tâm ti may. Phat hom ma păng nâm bu may hŏ phat jêh ma Y-Sihôn, hađăch phung Amôrit, nơm gŭ ta Hêsbôn.”

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 1:28

Ta ntŭk he mra hăn? Phung oh nâu he đă hăn gay n'hut uănh n'gor, khăn păng hŏ ƀư rdja nuih n'hâm he, dôl khân păng lah: Phung ƀon lan nây jêng dăng ktang ngăn jêh ri juat lơn ma he. Lĕ ƀon toyh khân păng dĭ toyh, bât pêr nâp prêh tât ta trôk. Rlau ma nây hên saơ phung kon sau phung ƀon lan Anakim gŭ ta nây đŏng.’

Nau Vay Nkah Tay 9:1

“Hơi phung Israel, gŭ iăt hom! Nar aơ khân may mra rgăn dak krong Yurdan, gay lơh n'ho mprơh phung ndŭl mpôl toyh lơn jêh ri dăng lơn ma khân may, geh lĕ ƀon toyh jêh ri bât mpêr nâp prêh tât ta trôk.

Nau Vay Nkah Tay 9:3

Nar aơ, ăn khân may gĭt Yêhôva Brah Ndu mra hăn lor panăp khân may tâm ban ma du mbŭch ŭnh dôl hit, mra ƀư rai phung nây jêh ri hŭch phung nây ntrŭnh khân păng nơm tanăp măt khân may. Khân may mra ntrŭt gơnh jêh ri ƀư rai khân păng, tĭng nâm Brah Yêhôva hŏ ton jêh.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

ហេឞ្រើ 11:33

Yor ma nau chroh phung bunuyh nây dơi jêh đah ƀon bri hađăch, ƀư nau di, sŏk dơn jêh lĕ nau ton, rdêp trôm mbung yau mŭr,

Yôsuê 15:14

Y-Kalep dơi mprơh pe nuyh kon bu klâu Y-Anak, jêng Y-Sêsai, Y-Ahiman, jêh ri Y-Talmai.

Phung Kôranh Phat Dôih 1:20

Ndŭl mpôl Yuđa pă ƀon Hêbron ma Y-Kalep nâm nau Y-Môis hŏ ton. Y-Kalep mprơh noi deh bơh pe kon bu klâu Y-Anak du luh bơh ƀon nây.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”