Yôsuê 13:31 - Nau Brah Ndu Ngơi 2023

³¹ Du n'gul bri Gilêat, Astarôt, jêh ri ƀon Êdrei, jêng lĕ ƀon tâm ƀon bri hađăch Ôk tâm bri Basan, lĕ ƀon aơ tâm pă ma du n'gul phung kon sau Y-Makir, săn Y-Manasê tĭng nâm ăp rnăk vâl khân păng.

Yôsuê 13:31 ပူးပေါင်းရင်းမြစ်များ

I Nau Rêh Jêng 6:71

Bơh tâm phung ndŭl mpôl du n'gul ndŭl mpôl Manasê, phung kon sau Gersôm dơn ƀon Gôlan tâm n'gor Basan ndrel ma lĕ ndrêch gơ̆ văr jŭm, ƀon Astarôt ndrel ma ndrêch gơ̆ văr jŭm.

Nau Mprơ Ơm 60:7

Gilêat jêng ndơ Gâp, Manasê tâm ban lĕ; Êphraim jêng pôih nâp ma bôk Gâp; Yuđa jêng mâng jra hađăch Gâp.

Êsêkiêl 48:4

Mbot đah neh phung Naptali, tă mpeh luh nar tât ma nhâp nar, mra jêng kô̆ neh ma phung Manasê.

Yôsuê 12:4

Hađăch bri Basan jêng Y-Ôk, du huê hôm klen bơh phung Rêphaim, gŭ ta ƀon Astarôt jêh ri ƀon Êdrei.

Yôsuê 13:12

jêh ri lĕ ƀon bri hađăch Ôk ta Basan. Hađăch nây chiă uănh jêh ta Astarôt jêh ri ta Êdrei, jêh ri păng jêng nơm hôm rêh klen bơh phung Rêphaim, Y-Môis dơi jêh đah phung nây jêh ri mprơh lơi khân păng.

Yôsuê 13:32

Nĕ jêng drăp ndơn Y-Môis tâm pă jêh tâm neh lâng bri Môap, ta đah ri dak krong Yurdan, mpeh luh nar Yêrikô.

Yôsuê 17:5

Pônây Manasê nchroh n'hôr dơi jât kô̆, mâu kơp ma bri Gilêat jêh ri bri Basan ta kơh đah ri dak krong Yurdan,

Yôsuê 17:6

yorlah phung kon bu ur Manasê geh du kô̆ drăp ndơn ndrel ma phung kon bu klâu păng, bi bri Gilêat dơi pă ma phung kon bu klâu Manasê ƀaƀă.

Yôsuê 9:10

hŏ tăng jêh lĕ nau Păng hŏ ƀư ma bar hê hađăch phung Amôrit gŭ đah ri dak krong Yurdan, jêng Y-Sihôn, hađăch Hêsbôn, jêh ri Y-Ôk, hađăch bri Basan gŭ ta Astarôt.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.

Phung Kôranh Phat Dôih 5:17

Gilêat gŭ mpeh kơh tê̆ dak krong Yurdan, Bi Dan, mâm ƀư gŭ tâm kumpăn? Aser gŭ ta kơh dak mƀŭt, Gŭ rlu tâm ntŭk njưh kumpăn păng nơm.

I Samuel 12:10

Rnôk nây, khân păng vơl dăn ma Brah Yêhôva, jêh ri lah: ‘Hên ƀư tih jêh, yorlah hên lĕ chalơi jêh Brah Yêhôva gay pah kan ma phung brah Baal jêh ri ma brah Astarôt. Ƀiălah aƀaơ, tâm rklaih hom hên tă bơh ti phung rlăng hên, hên mra pah kan ma May.’

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”