Yôsuê 13:14 - Nau Brah Ndu Ngơi 2023

¹⁴ Y-Môis mâu ăn drăp ndơn ma ndŭl mpôl Lêvi yor lĕ ndơ ƀư brah nhhơr ăn ŭnh sa ma Yêhôva Brah Ndu Israel jêng drăp ndơn khân păng tĭng nâm Păng lah jêh ma Y-Môis.

Yôsuê 13:14 ပူးပေါင်းရင်းမြစ်များ

Êsêkiêl 44:28

Bi ma drăp ndơ gay prăp ăn ma khân păng Gâp nơm yơh jêng drăp ndơ ma khân păng. Lơi ta khân may ăn ma khân păng ôh du ntil drăp ndơn tâm bri Israel Gâp nơm yơh jêng drăp ndơn ma khân păng.

Êsêkiêl 44:29

Khân păng mra siăm khân păng nơm ma ndơ ƀư brah rnih, ndơ ƀư brah geh tih jêh ri ƀư brah chuai nau tih. Lĕ rngôch moh ndơ phung ƀon lan bri Israel, nhhơr mra jêng ndơ khân păng.

Nau Vay Nkah Tay 10:9

Yor ri, ndŭl mpôl Lêvi mâu dơi pă ôh du kô̆ neh jêng drăp ndơn tâm ban ma ndŭl mpôl khân may, yorlah Brah Yêhôva jêng drăp ndơn khân păng, tĭng nâm nau Yêhôva Brah Ndu lah jêh ma khân păng.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:19

Njrăng hom, tâm lĕ năng nar khân may gŭ rêh tâm n'gor lơi dĭng chuêl ôh ma phung Lêvi.

Yôsuê 13:13

Ƀiălah phung ƀon lan Israel mâu mprơh ôh phung Gêsur jêh ri phung Makatit. Yor ri, phung Gêsurit jêh ri phung Makatit hôm gŭ vah vang phung Israel kŏ tât ta nar aơ.

Yôsuê 13:15

Y-Môis ăn drăp ndơn ma ndŭl mpôl Ruben tĭng nâm noi deh khân păng.

Yôsuê 13:33

Ƀiălah Y-Môis mâu ăn drăp ndơn ma ndŭl mpôl Lêvi, yorlah Yêhôva Brah Ndu Israel jêng drăp ndơn ma khân păng, di nâm nau Păng lah jêh ma khân păng.

Yôsuê 18:7

Ƀiălah bu mâu pă ôh neh ma phung Lêvi ndrel ma khân may, yorlah nau kan kôranh ƀư brah ma Brah Yêhôva jêng kô̆ drăp ndơn ma khân păng. Bi phung Gat, phung Ruben jêh ri du n'gul ndŭl mpôl Manasê hŏ dơn sŏk jêh kô̆ drăp ndơn bơh Y-Môis, oh mon Brah Yêhôva, ăn jêh ma khân păng ta kơh đah ri dak krong Yurdan mpeh luh nar.”