Yôsuê 12:3 - Nau Brah Ndu Ngơi 2023

³ Hađăch nây chiă uănh đŏng bri neh lâng tât ma dak mƀŭt Chinêrôt mpeh luh nar, tât ma dak mƀŭt neh lâng, jêng Dak Mƀŭt Khĭt, mpeh ma Bet-Jêsimôt, ta mpeh rđŭng pa dâng ta jâng yôk Pisga.

Yôsuê 12:3 ပူးပေါင်းရင်းမြစ်များ

Nau Ntơm 14:3

Prăm hađăch lĕ nkoch jêh khân păng rgum băl ta rlŭng Siđim, jêng Dak Mƀŭt Khĭt.

Nau Ntơm 19:25

ƀư rai bar ƀon aơ, lĕ n'gor neh lâng, nđâp ma lĕ rngôch bunuyh gŭ tâm ƀon nây jêh ri dĭng lĕ tơm si gơ̆ rêp hon ta klơ neh.

I Phung Hađăch 15:20

Y-Ben-Hadat iăt tĭng nau hađăch Asa, prơh phung kôranh tahan păng hăn tâm lơh đah lĕ ƀon phung Israel, pit sŏk ƀon Ijôn, Dan, Abel-Bel-Maka, jêh ri lam lĕ n'gor Chinêrôt jêh ri n'gor Naptali.

Êsêkiêl 25:9

yor nây, aơ, Gâp mra ƀư rai lĕ ƀon ntŭk n'har bri Môap, nây jêng lĕ rngôch ƀon ƀư nau chrêk rmah ma n'gor bri nây nâm bu ƀon Bet-Jêsimôt, ƀon Baal-Mêon jêh ri ƀon Kiriathaim.

Nau Kơp Bunuyh 21:20

jêh ri tă bơh Bamôt hăn tât ta rlŭng tâm n'gor Môap, ta klơ n'gơn yôk Pisga jêng ntŭk bu uănh saơ bri rdah.

Nau Kơp Bunuyh 34:11

jêh ri ntơm bơh Sêpham jŭr tât ta Ribla mpeh luh nar Ain, jêh nây jŭr kŏ tât ta kơh dak mƀŭt Chinêret ta mpeh luh nar.

Luka 5:1

Du tơ̆ ri, nôk Brah Yêsu dâk ta kơh dak nglao Gênêsaret, phung ƀon lan tâm in mpet jŭm Păng gay iăt nau Brah Ndu ngơi.

Yôhan 6:1

Jêh ta nây, Brah Yêsu hăn rgăn kăl tê̆ dak mƀŭt Galilê, jêng dak mƀŭt Tibêrias.

Nau Vay Nkah Tay 3:17

Ta mpeh nhâp nar, nkual neh pe ndŭl mpôl jong ngăn kŏ tât ta n'gor neh lâng klơ dor Arabah, sŏk dak krong Yurdan jêng n'har, bơh nglao Galilê tât ta dak mƀŭt Arabah, jêng Dak Mƀŭt Khĭt tâm dâng jâng yôk Pisga mpeh luh nar.

Nau Vay Nkah Tay 4:49

nđâp lĕ neh lâng klơ dor Arabah đah ri dak krong Yurdan, mpeh luh nar, kŏ tât ta Dak Mƀŭt Khĭt, tâm dâng jâng yôk Pisga.

Yôsuê 11:2

jêh ri hăn ma phung hađăch gŭ ta n'gor klơ dor yôk mpeh pa lơ, tâm neh lâng Chinêrôt mpeh tâm rđŭng, tâm bri jâng yôk jêh ri ta neh lâng klơ yôk Dôrơ mpeh nhâp nar.

Yôsuê 13:20

Bet-Pêôr, lĕ gôl yôk Pisga jêh ri Bet-Jêsimôt,

Yôsuê 15:2

N'har mpeh pa dâng khân păng ntơm bơh Dak Mƀŭt Boh, jêng bơh nkuĭl dak mƀŭt rle mpeh pa dâng;

Yôsuê 15:5

N'har mpeh luh nar jêng ntơm bơh Dak Mƀŭt Khĭt tât ta rnhuĭl dak krong Yurdan. N'har mpeh pa lơ ntơm bơh nkuĭl dak mƀŭt ta rnhuĭl dak krong Yurdan,

Yôsuê 3:16

pôri dak bơh tu nsrŭng hoch, nsŭn du ntŭk, ngai tât ta ƀon Ađam, ƀon nây gŭ dăch ƀon Sarêthan; bi dak hoch mpeh ma dak mƀŭt Arabah, jêng Dak Mƀŭt Khĭt, nking lĕ ro, jêh ri phung ƀon lan rgăn dak krong, ta ntŭk tâm tham đah ƀon Yêrikô.