Yôsuê 11:23 - Nau Brah Ndu Ngơi 2023

²³ Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 11:23 ပူးပေါင်းရင်းမြစ်များ

Nêhêmi 9:24

Pôri phung kon sau khân păng lăp sŏk chăm bri. May ƀư ăn phung tâm n'gor nây jêng phung Kanaan lăp gŭ tâm dâng khân păng, Jao phung nây jêh ri phung hađăch khân păng Nđâp ma lĕ ntil mpôl bunuyh êng tâm n'gor nây tâm ti khân păng, Gay ma khân păng dơi ƀư ma lĕ ntil mpôl bunuyh nây tĭng nâm nau mĭn khân păng ŭch.

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Êsêkiêl 45:8

Kô̆ neh nây mra jêng drăp ndơn hađăch bri Israel. Phung hađăch Gâp mâu mra tŭn jot phung ƀon lan Gâp đŏng ôh, ƀiălah mra tâm pă kô̆ neh hôm e ăn lĕ mpôl băl Israel.

Nau Vay Nkah Tay 1:38

Ƀiălah nơm kâp kơl may jêng Y-Yôsuê, kon bu klâu Y-Nun, păng mra dơi lăp n'gor nây. Ăn n'hao nuih păng, yorlah păng mra chiă uănh phung ƀon lan Israel sŏk dơn n'gor nây jêng drăp ndơn.

Nau Vay Nkah Tay 25:19

Yor ri, lah Yêhôva Brah Ndu khân may ăn jêh ma khân may nau rlu jêh ri rklaih an khân may bơh lĕ rngôch phung rlăng nchueng jŭm tâm n'gor Yêhôva Brah Ndu khân may ăn jêh ma khân may jêng drăp ndơn, pôri ăn khân may jut lơi ăn lĕ nau kah gĭt bơh phung Amalek tâm neh aơ. Khân may mâu dơi chuêl ôh!”

Yôsuê 11:18

Y-Yôsuê tâm rdâng đah lĕ rngôch phung hađăch nây tâm năng nar jŏ jong.

Yôsuê 12:7

Jêh ri aơ jêng phung hađăch ma bri, Y-Yôsuê jêh ri phung ƀon lan Israel lơh dơi jêh ta kơh mpeh nhâp nar dak krong Yurdan, ntơm bơh Baal-Gat tâm rlŭng Liban, kŏ tât ta yôk Halak mpeh bri Sêir. Y-Yôsuê ăn bri nây ma ndŭl mpôl Israel jêng drăp ndơn tĭng nâm nau tâm pă bơh ăp ndŭl mpôl,

Yôsuê 18:10

Y-Yôsuê nchroh n'hôr ma khân păng tâm ƀon Silô tanăp Brah Yêhôva jêh ri ta aơ Y-Yôsuê tâm pă bri ma phung ƀon lan Israel tĭng nâm lĕ ndŭl mpôl khân păng.

Yôsuê 22:4

Aƀaơ ri, Yêhôva Brah Ndu khân may ăn jêh ma phung oh nâu khân may rlu đăp mpăn di tĭng nâm nau Păng ton jêh ma khân păng. Pônây plơ̆ sĭt hom ma ngih khân may tâm n'gor neh jêng ndơ khân may, Y-Môis, oh mon Brah Yêhôva ăn jêh ma khân may ta kơh đah ri dak krong Yurdan.

Yôsuê 23:1

Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,