Yôsuê 11:15 - Nau Brah Ndu Ngơi 2023

¹⁵ Tĭng nâm Brah Yêhôva ntăm jêh ma Y-Môis, oh mon Păng, Y-Môis ntăm đŏng ma Y-Yôsuê, jêh ri Y-Yôsuê ƀư di tĭng lĕ nau Brah Yêhôva hŏ ntăm jêh ma Y-Môis, Y-Yôsuê mâu ăn klen du ntil nau ôh.

Yôsuê 11:15 ပူးပေါင်းရင်းမြစ်များ

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nau Kơp Bunuyh 33:50

Brah Yêhôva lah ma Y-Môis tâm neh lâng n'gor Môap dăch dak krong Yurdan, tâm tra đah ƀon Yêrikô, pô aơ:

Nau Kơp Bunuyh 33:52

ăn khân may mprơh lĕ rngôch phung ƀon lan tơm bri luh bơh panăp khân may, ƀư rai lĕ rngôch rup brah trah jêh ri rup tŏ jêh ri ƀư rai lĕ rngôch ntŭk prêh khân păng.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Kôranh Oh Mon 20:20

Gâp nkoch mbơh lĕ nau khlay ma khân may, moh nau prăp tay, jêh ri ntĭm nti ma khân may ta ntŭk phung tâm rƀŭn, mâu lah ntơm bơh ngih aơ tât ta ngih ri;

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 31:3

Yêhôva Brah Ndu khân may nơm mra hăn lor panăp khân may. Păng mra ƀư rai lĕ ndŭl mpôl aơ tanăp khân may jêh ri khân may mra pit in n'gor khân păng. Y-Yôsuê mra chiă uănh jêh ri njŭn leo khân may rgăn dak krong, tĭng nâm Brah Yêhôva hŏ ngơi jêh.

Nau Vay Nkah Tay 31:5

Brah Yêhôva mra jao khân păng ma khân may jêh ri ăn khân may ƀư ma khân păng tĭng nâm lĕ rngôch nau gâp hŏ ntĭnh jêh ma khân may.

Nau Vay Nkah Tay 31:7

Lah ngơi lôch jêh, Y-Môis kuăl Y-Yôsuê jêh ri lah ma păng tanăp lĕ rngôch phung Israel: “Dăng ktang hom jêh ri janh nănh yorlah may nơm ndrel ma phung ƀon lan aơ mra mŭt ta n'gor Brah Yêhôva ton jêh ăn ma phung chô yau khân păng, jêh ri may mra pă n'gor nây ma khân păng ƀư drăp ndơn.

Nau Vay Nkah Tay 4:2

Khân may mâu dơi ntop ôh, mâu dơi n'goh ma nau ngơi gâp ntăm jêh ma khân may, ƀiălah ăn khân may djôt prăp nau vay Yêhôva Brah Ndu ntăm, gâp hŏ ntĭnh jêh ma khân may.

Nau Vay Nkah Tay 4:5

Aơ, gâp nti jêh ma khân may lĕ nau vay dăp jêh ri lĕ nau vay ƀư di nâm bu Yêhôva Brah Ndu gâp ntĭnh ntăm jêh ma gâp, gay ma khân may djôt prăp dôl gŭ tâm n'gor, khân may mra lăp dơn jêng drăp ndơn.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.

Yôsuê 11:14

Phung ƀon lan Israel sŏk pit lĕ rngôch ndơ jêh ri mpô mpa rong tâm lĕ ƀon nây, ƀiălah sŏk đao nkhĭt lĕ rngôch bunuyh jêh ri ƀư rai khân păng. Khân păng mâu om du huê bunuyh hôm rêh.

Yôsuê 11:16

Pônây, Y-Yôsuê pit sŏk lĕ n'gor nây, lĕ nkual klơ dor yôk, lĕ nkual Nêgep, lĕ nkual Gôsen, nkual jâng yôk jêh ri nkual neh lâng, nkual dor yôk Israel jêh ri lĕ bri jâng yôk khân păng;

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.