Yôsuê 10:37 - Nau Brah Ndu Ngơi 2023

³⁷ Khân păng pit in jêh ri sŏk đao ƀư rai ƀon nây, hađăch păng, lĕ ƀon jê̆, jêh ri lĕ rngôch mpa rêh gŭ tâm ƀon nây, mâu om du huê hôm gŭ rêh. Păng lĕ ƀư rai jêh ƀon jêh ri lĕ rngôch mpa rêh gŭ tâm ƀon nây tâm ban hŏ ƀư jêh ma Êglon.

Yôsuê 10:37 ပူးပေါင်းရင်းမြစ်များ

Nau Ngluh Êjipt 17:13

Y-Yôsuê sŏk đao dơi lơh hađăch Amalek jêh ri phung ƀon lan păng.

Yôsuê 10:28

Tâm nar nây, Y-Yôsuê ăt lơh pit Makêda, jêh ri sŏk đao nkhĭt lĕ ƀon nây nđâp ma hađăch păng. Păng ƀư rai ƀon nây jêh ri lĕ rngôch mpa rêh tâm nây, mâu om du huê nuyh hôm gŭ rêh ôh. Păng ƀư ma hađăch ƀon Makêda nâm bu păng hŏ ƀư jêh ma hađăch ƀon Yêrikô.

Yôsuê 10:35

Nar nây, khân păng tâm lơh pit in jêh ri sŏk đao ƀư rai ƀon nây. Nar nây đŏng, Y-Yôsuê ƀư rai lĕ ƀon jêh ri lĕ rngôch phung tâm ƀon nây tâm ban hŏ ƀư jêh ma Lakis.

Yôsuê 10:36

Jêh nĕ, Y-Yôsuê ndrel ma lĕ rngôch phung Israel tă bơh Êglon hăn hao ma Hêbron, jêh ri rduh lơh đah ƀon nây.

Yôsuê 10:38

Y-Yôsuê ndrel ma lĕ rngôch phung Israel hăn tât tâm lơh đah Dêbir.

Yôsuê 10:39

Păng pit sŏk ƀon nây ndrel ma lĕ rngôch ƀon jê̆, jêh nây nhŭp hađăch păng jêh ri sŏk đao ƀư rai khân păng. Păng ƀư rai lĕ rngôch bunuyh tâm ƀon nây, mâu om du huê hôm gŭ rêh. Păng hŏ ƀư jêh ma ƀon Dêbir jêh ri hađăch ƀon nây tâm ban ma păng hŏ ƀư jêh ma Hêbron jêh ri Lipna nđâp ma hađăch păng.

Yôsuê 10:40

Pônây Y-Yôsuê tâm lơh pit sŏk ma lĕ n'gor, n'gor klơ dor, n'gor bơh pa dâng, n'gor jâng yôk, n'gor klơ yôk jêh ri lĕ rngôch hađăch khân păng. Păng mâu om du huê nuyh hôm gŭ rêh, păng ƀư rai lĕ rngôch mpô mpa geh n'hâm nsôr, tâm ban ma nau Yêhôva Brah Ndu phung Israel ntăm jêh.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.