Yôsuê 10:30 - Nau Brah Ndu Ngơi 2023

³⁰ Brah Yêhôva ăt jao ƀon Lipna nđâp ma hađăch păng tâm ti phung Israel. Khân păng djôt đao gay ƀư rai ƀon nây jêh ri lĕ rngôch bunuyh tâm ƀon nây, mâu om du huê hôm gŭ rêh. Păng ƀư ma hađăch ƀon nây tâm ban păng hŏ ƀư jêh ma hađăch ƀon Yêrikô.

Yôsuê 10:30 ပူးပေါင်းရင်းမြစ်များ

II Phung Hađăch 10:11

Pônây, Y-Jêhu nkhĭt lĕ rngôch phung hôm e tâm ngih Y-Ahap ta Jesrêel, lĕ rngôch bunuyh lư n'găr, phung mĭt jiăng jêh ri phung kôranh ƀư brah păng, kŏ tât mâu hôm geh du huê hôm klen.

Nau Kơp Bunuyh 32:22

jêh ri knŏng plơ̆ sĭt nôk khân may hŏ pit sŏk jêh n'gor nây tanăp Brah Yêhôva, pôri khân may ƀư lôch jêh nau kan đah Brah Yêhôva jêh ri phung Israel. Jêh ri nôk nây, n'gor aơ mra jêng drăp ndơn khân may tanăp Brah Yêhôva.

Nau Vay Nkah Tay 2:33

Ƀiălah Yêhôva Brah Ndu he hŏ jao jêh Y-Sihôn ma he, jêh ri he dơi lơh jêh hađăch nây, nđâp ma lĕ phung kon bu klâu jêh ri lĕ rngôch phung ƀon lan hađăch.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

Yôsuê 10:28

Tâm nar nây, Y-Yôsuê ăt lơh pit Makêda, jêh ri sŏk đao nkhĭt lĕ ƀon nây nđâp ma hađăch păng. Păng ƀư rai ƀon nây jêh ri lĕ rngôch mpa rêh tâm nây, mâu om du huê nuyh hôm gŭ rêh ôh. Păng ƀư ma hađăch ƀon Makêda nâm bu păng hŏ ƀư jêh ma hađăch ƀon Yêrikô.

Yôsuê 10:29

Jêh nau nây, Y-Yôsuê ndrel ma lĕ rngôch phung Israel tă bơh Makêda găn Lipna jêh ri lơh Lipna.

Yôsuê 10:31

Jêh nĕ, Y-Yôsuê nđâp ma lĕ rngôch phung Israel hăn luh tă bơh Lipna tât ma Lakis, nchueng jŭm jêh ri tâm lơh đah ƀon nây.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.

Yôsuê 12:15

hađăch Lipna, hađăch Adulam,

Yôsuê 8:24

Tơlah phung Israel ƀư nkhĭt jêh lĕ rngôch phung ƀon lan tâm ƀon Ai, mâu lah tâm mir mâu lah tâm bri rdah, jêng ntŭk phung Israel tĭng khân păng, jêh ri tơlah lĕ rngôch khân păng cha lôt khĭt jêh ma đao tât ma nuyh nglĕ dŭt, lĕ rngôch phung Israel plơ̆ sĭt đŏng ma Ai jêh ri sŏk đao nkhĭt phung hôm klen tâm trôm ƀon.

Yôsuê 8:29

Păng yông hađăch ƀon Ai ta klơ tơm si jêh ri ăn ta nĕ tât mhaơ. Ƀiălah dôl nar nhâp, Y-Yôsuê ntĭnh bu n'hŭch săk jăn păng jŭr bơh tơm si jêh ri mƀăr păng ta ntŭk bu lăp mpông ƀon, jêh nây nkhŭt ta klơ păng du mbŭch rplay lŭ toyh, hôm tât ma nar aơ.

Yôsuê 9:3

Ƀiălah dôl phung Gibêôn tăng nau Y-Yôsuê ƀư jêh ma Yêrikô jêh ri Ai