Yônais 3:6 - Nau Brah Ndu Ngơi 2023

⁶ Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Bunong Bible Latin Script Cambodian dialect

⁶ Nau dja lư tăng tât a kađăch Ninivê ngăn, păng nduih tôr ŭch nhhơ lĕ nau păng jan tih nơh, ndri dâng păng jŭr bơh lơ rnơl kađăch păng i nây, droh lơi i ao kađăch nây, nsoh n'gut bok ƀao chiăt, jêh ri gŭ ta ntŭk ŭnh buh si so.

Bunong

⁶ នាវ​អ្យា​លឺ​តាង់​ត៝ត់​អា​កាដាច់​នីនីវេ  ​ងាន់ ពាង់​នទុយ្ស​តោរ​អុច​ញហើ​លែៈ​នាវ​ពាង់​ជាន​តីស​នើស នទ្រី​ទឹង​ពាង់​ជុរ​ឞើស​លើ​រានើល​កាដាច់​ពាង់​អី​នៃ ទ្រ៝ស​លើយ​អី​អាវ​កាដាច់​នៃ ញឆ៝ស​ងគូត​ឞ៝ក​បៅ​ច្យាត់ ជេសរី​គុ​តា​នតុក​អុញ​ឞុស​ឆី​ឆ៝។

Yônais 3:6 ပူးပေါင်းရင်းမြစ်များ

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Êsai 15:3

Tâm trong sâng, khân păng nsoh ao ƀau; Ta klơ chor jây jêh ri tâm lĕ ntŭk rgum băl, Lĕ rngôch bunuyh nhĭm nhhiăng da dê, dêh rhêt jêh ri luh dak măt.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 36:13

Y-Mika nkoch ăn ma khân păng lĕ rngôch nau păng hŏ tăng jêh nôk Y-Baruk rŏ ndrom samƀŭt ăn phung ƀon lan iăt.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Nau Nhĭm Vơl 3:29

Ăn mbung păng chŭm ndruyh neh! Klăp lah hôm geh nau kâp gân;

Êsêkiêl 26:16

Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Mika 1:10

Lơi ta nkoch ôh nau tât aơ tâm ƀon Gat! Lơi ta nhĭm nhhiăng ôh! Ta ƀon Bet-Lêaphra, Rlĭ rlang hom tâm neh muy.

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

Luka 10:13

Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may, dơi ƀư nâm bu ta ƀon Tyre jêh ri ƀon Sidôn, ri mơ khân păng hŏ nsoh ao ƀau, ndô buh jêh ri rmal nau tih jŏ jêh.