Yônais 2:6 - Nau Brah Ndu Ngơi 2023

⁶ Dak văch nkŭm jŭm gâp kŏ tât huêng gâp; Brŏng jru gŭ jŭm gâp puăn mpeh; Mbrĭng dak lĕ put bôk gâp.

Bunong Bible Latin Script Cambodian dialect

⁶ Gâp ngŏm ta nâm dak ngăn bơi ma khât ro Gâp gŭ ta nklang dak dŭt jru ngăn Mbrâng put jŭm bôk gâp.

Bunong

⁶ គ៝ប់​ង៝ម់​តា​ន៝ម់​ទាក​ងាន់​ឞើយ​មា​ខឹត​រ៝ គ៝ប់​គុ​តា​ងក្លាង​ទាក​ទុត​ជ្រូ​ងាន់ មឞ្រឹង​ពូត​ជុម​ឞោក​គ៝ប់។

Yônais 2:6 ပူးပေါင်းရင်းမြစ်များ

Ndrom Samƀŭt bơh Yôp 33:24

Yô̆ nđach ma bunuyh nây jêh ri vơh vơl: ‘Dăn mât mơh păng lơi ăn tŭp tâm ntu jru; Gâp hŏ joi jêh rnoh tâm chuai;

Ndrom Samƀŭt bơh Yôp 33:28

Brah Ndu tâm rklaih jêh huêng gâp dơi rklaih bơh tŭp ta ntu jru, Jêh ri nau rêh gâp mra saơ nau ang.’

Nau Mprơ Ơm 104:6

May sŏk dak rlai nkŭm neh nâm bu du blah ao, Ƀư ăn dak hao prêh lơn ma phung yôk.

Nau Mprơ Ơm 104:8

Yôk hao ta klơ, tâm rlŭng trŭnh văm Tât ntŭk May tâm nal jêh ma păng.

Nau Mprơ Ơm 116:3

Rse nau khĭt vân jŭm gâp, Nau ji ƀon phung khĭt kuăn rdâng jêh gâp, Gâp mâp nau uh ah jêh ri nau rngot klâng.

Nau Mprơ Ơm 143:7

Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Mprơ Ơm 16:10

Yorlah Kôranh Brah mâu mra chalơi huêng gâp tâm ƀon phung khĭt; Mâu đŏng ăn phung răp jăp May saơ môch.

Nau Mprơ Ơm 18:5

Lĕ rse ƀon phung khĭt hŏ kât jŭm gâp, Lĕ dăk nau khĭt nthăng nhŭp gâp.

Nau Mprơ Ơm 30:3

Ơ Brah Yêhôva, May hŏ djôt leo jêh huêng gâp tă bơh ƀon phung khĭt. Jêh ri mât mơh nau rêh gâp gay gâp mâu jŭr tâm môch.

Nau Mprơ Ơm 30:9

“Ƀư pling mham gâp, ƀư ma gâp jŭr tâm môch Pôri geh nau khlay lĕ? Ndruyh neh mra tâm rnê May lĕ? Păng mra dơi mbơh nau răp jăp May lĕ?

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Nau Mprơ Ơm 69:2

Gâp rhuh tâm bŏk jru Jêh ri glet jâng. Gâp ngâm tâm dak jru, N'hor dak hoch rdu gâp.

Êsai 38:10

Gâp hŏ lah jêh: “Ta nklang rnôk gâp gŭ rêh, Ăn gâp hăn du; Lĕ năm hôm e ma nau rêh gâp, Gâp roh ta mpông ƀon phung khĭt!”

Êsai 38:17

Aơ, nau rngot gâp Plăch jêng nau đăp mpăn! Kôranh Brah hŏ rŏng ma huêng gâp, Djôt ngai bơh ntu kuyh ƀư rai, Yorlah Kôranh Brah klŭp jêh lĕ rngôch nau tih gâp Luh pakơi May.

Êsai 40:12

Mbu nơm sŏk jêh mpang ti veh dak mƀŭt, Sŏk nđam ti gay veh lĕ ndâr trôk? Mbu nơm hŏ sŏk du ndơ veh gay veh ndruyh neh? Mbu nơm hŏ dŏng njing gay nhueh yôk? Jêh ri dŏng njing mpan gay veh gôl yôk?

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Êsêkiêl 31:14

gay mâu geh du mlâm tơm si êng tăm dăch dak janh sưr rlau ma nau toyh prêh păng mâu lah prêh chiông kŏ ban tŭk. Gay mâu geh ôh tơm si êng lĕ n'hor dak djrah toyh prêh nâm bu pônây; lĕ rngôch khân păng bu jao ma nau khĭt, prăp ma brŏng jru tâm dâng neh ntu tâm nklang ntil mpôl bunuyh jêh ri ndrel ma phung jŭr tâm ntu jru!’

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Habakuk 3:6

Păng dâk, ƀư n'găr n'gơ rplay neh; Păng uănh, ƀư ma phung mpôl băl bunuyh râm sâr; Phung yôk ntơm bơh rnôk saơm chah rai da dê, Lĕ gôl yôk gŭ lĕ jŏ rnôk rlâm da dê. Trong Păng hôm tâm ban kăl e.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.