Yôhan 8:32 - Nau Brah Ndu Ngơi 2023

³² Khân may mra gĭt nau ngăn, jêh ri nau ngăn mra rklaih ma khân may.”

Bunong Bible Latin Script Cambodian dialect

³² jêh ri khân ay may gĭt năl nau ngăn, jêh ri nau ngăn mra rklaih khân ay may ăn jêng bunuyh kon me.”

Bunong

³² ជេសរី​ខាន់​អៃ​មៃ​គឹត​នាល់​នាវ​ងាន់ ជេសរី​នាវ​ងាន់​មរា​រាក្លាយ្ស​ខាន់​អៃ​មៃ​អ៝ន់​ជេង​ឞូនុយ្ស​ក៝ន​មែ”។

Yôhan 8:32 ပူးပေါင်းရင်းမြစ်များ

Nau Mprơ Ơm 119:45

Gâp mra hăn ma nau đăp mpăn, Yorlah gâp hŏ tĭng joi nau vay May ntăm.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Nau Hôr 1:29

Yorlah khân păng tâm rmot jêh ma nau blau mĭn, Mâu săch ôh nau klach yơk ma Brah Yêhôva,

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Kan Lêvi 25:41

Dôl nây, păng dơi jêng kon me, păng ndrel ma kon păng plơ̆ sĭt ma rnăk vâl păng nơm jêh ri dơn tay drăp ndơn bơh phung chô yau păng.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Yôhan 17:17

Dăn Mbơ̆ sŏk nau ngăn ƀư kloh ueh khân păng. Nau Mbơ̆ ngơi jêng nau ngăn.

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Yôhan 8:36

Kơt nây, Lah Kon Bunuyh ăn khân may jêng kon me khân may mra jêng kon me nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 7:22

Yorlah mbu moh geh Kôranh Brah kuăl dôl hôm ƀư dĭk, pôri păng plơ̆ jêng kon me tâm Kôranh Brah. Tâm ban lĕ, nơm kon me tâm nôk bu kuăl, pôri păng plơ̆ jêng dĭk ma Brah Krist.

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

II Timôthê 3:7

nti ƀaƀơ, ƀiălah mâu mâp gĭt năl ma nau ngăn.

Yakơ 1:25

Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.

Yakơ 2:12

Pôri khân may ngơi hom jêh ri ƀư hom nâm bu phung bunuyh bu mra phat dôih tĭng nâm ma nau vay bơh nau kon me.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

II Yôhan 1:1

Kôranh bu ranh nchih njuăl ma bu ur, nơm Brah Ndu săch jêh, ndrel ma phung kon ay jêng phung gâp rŏng tâm nau ngăn; mâu di knŏng gâp dơm ôh, ƀiălah lĕ rngôch phung gĭt năl jêh nau ngăn tâm ban lĕ,