Yôhan 8:20 - Nau Brah Ndu Ngơi 2023

²⁰ Brah Yêsu lah lĕ nau aơ ta ntŭk n'gân lĕ thŭng prăk nhhơr, dôl nti lah tâm ngih brah. Ƀiălah mâu geh bunuyh nhŭp Păng ôh yorlah mông Păng ê hŏ tât.

Bunong Bible Latin Script Cambodian dialect

²⁰ Brah Yêsu ngơi nau nây, nôk Păng gŭ nti lah bu ta jŏng gung nhih jan brah, dăch kêng ntŭk ăn hŭp prăk, yơn ma mâu geh ôh bunuyh bănh nhŭp Păng, yorlah ê hŏ tât di mong.

Bunong

²⁰ ឞ្រាស​យេឆូ  ​ងើយ​នាវ​នៃ នោក​ពាង់​គុ​នតី​លាស​ឞូ​តា​ជ៝ង់​គូង​ញីស​ជាន​ឞ្រាស ទាច់​កេង​នតុក​អ៝ន់​ហុប​ព្រាក់ យើន​មា​មោ​គែស​អោស​ឞូនុយ្ស​ឞាញ់​ញុប​ពាង់ យ៝រ​លាស​អេ​ហ៝ៈ​ត៝ត់​ទី​ម៝ង។

Yôhan 8:20 ပူးပေါင်းရင်းမြစ်များ

I Nau Rêh Jêng 9:26

Puăn nuyh Lêvi jêng kôranh ma phung mât njrăng mpông pêr, hôm geh nau kan djôt kan chiă uănh lĕ jrô jêh ri jay prăp drăp khlay tâm ngih Brah Ndu.

Mathay 26:55

Dôl rnôk nây, Brah Yêsu lah ma phung âk nây pô aơ: “Mâm ƀư khân may djôt đao jêh ri mâng văch gay nhŭp Gâp nâm bu nhŭp du huê bunuyh ntŭng? Ăp nar Gâp gŭ ntĭm nti tâm ngih brah, ƀiălah khân may mâu nhŭp Gâp.

Mathay 27:6

Ƀiălah phung kôranh ƀư brah toyh dônh prăk nây jêh ri lah: “Dơm prăk aơ tâm ntŭk prăp prăk jêng mâu di nau vay ôh, yorlah jêng rnoh mham.”

Markôs 12:41

Brah Yêsu gŭ tâm tra năp hip prăk nhhơr, jêh ri sek uănh phung ƀon lan nôk khân păng nhhơr prăk tâm hip nây.

Markôs 12:43

Brah Yêsu kuăl phung oh mon văch jêh ri lah: “Nanê̆, Gâp lah ma khân may, bu ur ndrô o ach nây nhhơr jêh prăk tâm hip prăk âk lơn ma phung êng.

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

Luka 21:1

Brah Yêsu n'gơr măt uănh, saơ phung ndrŏng dơm prăk khân păng nhhơr tâm thŭng prăk nhhơr.

Yôhan 10:39

Khân păng lŏ joi nau ŭch nhŭp Păng, ƀiălah Păng du tă bơh ti khân păng.

Yôhan 2:4

Brah Yêsu plơ̆ lah: “Hơi mê̆, moh nau aơ tât ma ay jêh ri gâp? Mông gâp ê hŏ tât ôh.”

Yôhan 7:14

N'gul nau rƀŭn, Brah Yêsu hăn hao tâm ngih brah jêh ri ntĭm nti.

Yôhan 7:30

Jêh nây khân păng joi ŭch nhŭp Brah Yêsu, ƀiălah mâu geh du huê nto ti pah ta Păng ôh, yorlah mông Păng ê hŏ tât.

Yôhan 7:44

Geh ƀaƀă phung tâm phung ƀon lan ŭch nhŭp Brah Yêsu, ƀiălah mâu geh nơm nto ti pah ta săk Păng ôh.

Yôhan 7:8

Khân may hăn hom gŭ tâm rƀŭn, bi gâp ê hŏ hăn râng ôh, yorlah mông gâp ê hŏ tât.”

Yôhan 8:2

Tât ơm ôi, Păng plơ̆ tay ta ngih brah. Geh âk phung ƀon lan văch ta Păng da dê; Păng gŭ nti lah ma khân păng.

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.