Yôhan 7:30 - Nau Brah Ndu Ngơi 2023

³⁰ Jêh nây khân păng joi ŭch nhŭp Brah Yêsu, ƀiălah mâu geh du huê nto ti pah ta Păng ôh, yorlah mông Păng ê hŏ tât.

Bunong Bible Latin Script Cambodian dialect

³⁰ Nôk nây bu ŭch nhŭp Brah Yêsu, yơn ma mâu geh ôh bunuyh nhŭp Păng, yorlah ê hŏ tât di nar Kôranh Brah ăn.

Bunong

³⁰ នោក​នៃ​ឞូ​អុច​ញុប​ឞ្រាស​យេឆូ  យើន​មា​មោ​គែស​អោស​ឞូនុយ្ស​ញុប​ពាង់ យ៝រ​លាស​អេ​ហ៝ៈ​ត៝ត់​ទី​នារ​កោរាញ​ឞ្រាស​អ៝ន់។

Yôhan 7:30 ပူးပေါင်းရင်းမြစ်များ

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Mathay 12:14

Phung Pharisi hăn luh, tâm nchră tâm rdâng đah Păng jêh ri joi nau dơi nkhĭt Păng.

Mathay 21:46

Khân păng joi nau ŭch nhŭp Păng, ƀiălah khân păng klach ma phung ƀon lan, yorlah lĕ rngôch bunuyh uănh dơn ma Brah Yêsu jêng du huê Nơm mbơh lor.

Markôs 11:18

Nôk tăng nau aơ, phung kôranh ƀư brah toyh jêh ri phung kôranh nchih samƀŭt joi trong gay nkhĭt Păng. Khân păng klach ma Păng, yorlah lĕ rngôch phung âk hih rhâl ma nau Păng ntĭm nti.

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

Luka 22:53

Gâp gŭ ăp nar tâm ngih brah ndrel ma khân may, khân may mâu yơr ti nhŭp Gâp ôh. Ƀiălah aơ jêng mông khân may jêh ri nau dơi ktang tâm nau ngo.”

Yôhan 10:31

Phung Yuđa dônh lŭ gay klŭp ta Brah Yêsu.

Yôhan 10:39

Khân păng lŏ joi nau ŭch nhŭp Păng, ƀiălah Păng du tă bơh ti khân păng.

Yôhan 11:57

Phung kôranh ƀư brah toyh jêh ri phung Pharisi ntăm jêh: tơlah mbu nơm gĭt ntŭk Brah Yêsu gŭ, ăn păng mbơh ma bu gĭt, gay khân păng nhŭp Păng.

Yôhan 7:19

Di lĕ Y-Môis ăn nau vay ma khân may? Ƀiălah mâu geh du huê tâm phung khân may djôt prăp nau vay nây ôh? Mâm ƀư khân may joi nau ƀư nkhĭt Gâp?”

Yôhan 7:32

Phung Pharisi tăng lĕ nau phung ƀon lan ngơi ƀŭk dŭk suyh ma Brah Yêsu, pôri khân păng jêh ri kôranh ƀư brah toyh njuăl phung kôranh king n'gang ngih brah hăn nhŭp Brah Yêsu.

Yôhan 7:6

Brah Yêsu lah ma khân păng: “Mông gâp ê tât, ƀiălah mông khân may geh ƀaƀơ.

Yôhan 7:8

Khân may hăn hom gŭ tâm rƀŭn, bi gâp ê hŏ hăn râng ôh, yorlah mông gâp ê hŏ tât.”

Yôhan 8:20

Brah Yêsu lah lĕ nau aơ ta ntŭk n'gân lĕ thŭng prăk nhhơr, dôl nti lah tâm ngih brah. Ƀiălah mâu geh bunuyh nhŭp Păng ôh yorlah mông Păng ê hŏ tât.

Yôhan 8:37

Gâp gĭt khân may jêng phung kon sau Y-Abraham, ƀiălah khân may joi nau ŭch ƀư nkhĭt gâp, yorlah nau Gâp ngơi mâu lăp ôh tâm khân may.

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.