Yôhan 4:24 - Nau Brah Ndu Ngơi 2023

²⁴ Brah Ndu jêng brah, mbu nơm ŭch yơk mbah ngăn ma Păng, ăn păng yơk mbah ma huêng jêh ri ma nau ngăn.”

Bunong Bible Latin Script Cambodian dialect

²⁴ Kôranh Brah jêng huêng mâu geh ôh săk jăn, ndri bu moh yơk mbah ma Păng, iăt ma yơk mbah ma nuih n'hâm, ma nau ngăn.”

Bunong

²⁴ កោរាញ​ឞ្រាស​ជេង​ហ្វេង​មោ​គែស​អោស​ឆាក់​ជាន់ នទ្រី​ឞូ​ម៝ស​យើក​មឞាស​មា​ពាង់ អ្យាត់​មា​យើក​មឞាស​មា​នូយ្ស​នហ៝ម់ មា​នាវ​ងាន់”។

Yôhan 4:24 ပူးပေါင်းရင်းမြစ်များ

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Yôhan 4:23

Mông dăch tât jêh ri hŏ tât jêh, nôk phung bunuyh yơk mbah nanê̆ ngăn mra yơk mbah Mbơ̆ ma huêng jêh ri ma nau ngăn; nây jêng phung bunuyh yơk mbah Mbơ̆ ŭch joi.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”