Yôhan 3:15 - Nau Brah Ndu Ngơi 2023

¹⁵ gay mbu moh chroh ma Păng dơi nau rêh n'ho ro.

Bunong Bible Latin Script Cambodian dialect

¹⁵ gay ma bu moh nsing ma Gâp, geh nau rêh n'ho ro.

Bunong

¹⁵ គៃ​មា​ឞូ​ម៝ស​ញឆីង​មា​គ៝ប់ គែស​នាវ​រេស​នហ៝​រ៝។

Yôhan 3:15 ပူးပေါင်းရင်းမြစ်များ

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Nau Kơp Bunuyh 21:9

Pônây Y-Môis ƀư du mlâm bêh kông jêh nây yông păng ta klơ du mâng ndăl. Mbu moh lĕ bêh chôk jêh n'gơr uănh bêh ma kông, mra dơi rêh.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

Luka 19:10

Yorlah Kon Bunuyh văch jêh gay joi jêh ri tâm rklaih mbu nơm roh jêh.”

Yôhan 1:12

Ƀiălah mbu nơm rom dơn Păng, nâm bu ntĭt chroh ma amoh Păng, Păng ăn bunuyh nây nau dơi plơ̆ jêng kon Brah Ndu,

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Kôranh Oh Mon 13:41

‘Hơi phung dăng mưch! Klach krit hom jêh ri du roh hom! Yorlah tâm rnôk khân may, Gâp mra ƀư du ntil kan, Nđâp tơlah bu nkoch bri, khân may mâu chroh đŏng ôh!’”

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

I Kôrintô 1:18

Yorlah nau nti ma si tâm rkăng đah phung bunuyh rai roh jêng brŭt ndrăng; ƀiălah đah he, phung bunuyh geh tâm chuai, nây jêng nau brah Brah Ndu.

II Kôrintô 4:3

Tơlah Nau Mhe Mhan Ueh hên geh nau nkŭm ndâp, pôri nau nkŭm ndâp knŏng đah phung bunuyh roh rai.

Galati 2:16

Ƀiălah hên gĭt du huê dơi kơp sŏng srăng mâu di yor lĕ kan bơh nau vay ôh, ƀiălah ma nau chroh tâm Brah Yêsu Krist, yor nây hên chroh jêh ma Brah Krist gay dơi kơp sŏng srăng yor ma nau chroh tâm Brah Krist, mâu di yor ma kan bơh nau vay ôh; yorlah mâu du huê dơi kơp sŏng srăng tă bơh kan bơh nau vay ôh.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

ហេឞ្រើ 10:39

Ƀiălah he mâu di jêng phung plơ̆ rŭch hăn tâm nau roh rai ôh, ƀiălah jêng phung bunuyh djôt prăp nau chroh gay ma huêng geh nau tâm rklaih.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Yôhan 2:25

Jêh ri nau rêh n'ho ro jêng nau Păng hŏ ton ăn jêh ma he.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.