Yôhan 2:23 - Nau Brah Ndu Ngơi 2023

²³ Dôl Brah Yêsu gŭ ta ƀon Yêrusalem tâm nar rƀŭn Nau Găn, âk bunuyh saơ nau mbên khlay Brah Yêsu ƀư, khân păng chroh ma amoh Brah Yêsu.

Bunong Bible Latin Script Cambodian dialect

²³ Nôk Brah Yêsu gŭ ta ƀon Yêrusalem, dôl nar nhêt ƀŭn n'hot nây, geh ŏk bunuyh nsing ma Păng, yor ma say dâng lĕ nau khlay Păng jan.

Bunong

²³ នោក​ឞ្រាស​យេឆូ  ​គុ​តា​ប៝ន​យេរូឆាលឹម  ទោល​នារ​ញេត​បុន​នហ៝ត​នៃ គែស​អ៝ក់​ឞូនុយ្ស​ញឆីង​មា​ពាង់ យ៝រ​មា​ឆៃ​ទឹង​លែៈ​នាវ​ខ្លៃ​ពាង់​ជាន។

Yôhan 2:23 ပူးပေါင်းရင်းမြစ်များ

Luka 8:13

Lĕ grăp tŭp ta klơ lŭ jêng phung iăt nau Brah Ndu ngơi ma nau maak sŏk dơn ro, ƀiălah mâu geh reh ôh, chroh nsing knŏng ƀât lât, rĭ dĭng nôk geh nau rlong uănh khân păng tŭp.

Yôhan 11:45

Âk phung Yuđa hăn chop khâl H'Mari, saơ nau Brah Yêsu ƀư, khân păng chroh ma Păng.

Yôhan 2:11

Aơ jêng nau mbên khlay tal nguay Brah Yêsu ƀư jêh ta ƀon Kana, tâm n'gor Galilê, jêh ri tâm mpơl nau chrêk rmah Păng nơm, rĭ dĭng phung oh mon chroh ma Păng.

Yôhan 2:13

Rƀŭn Nau Găn phung Yuđa dăch tât, Brah Yêsu hăn hao ta ƀon Yêrusalem.

Yôhan 3:2

Dôl măng, păng văch ta Brah Yêsu jêh ri lah: “Hơi Nơm Nti, hên gĭt May jêng kôranh nơm nti văch tă bơh Brah Ndu. Tơlah Brah Ndu mâu gŭ ndrel, mâu geh bunuyh dơi ƀư lĕ nau mbên khlay May hŏ ƀư.”

Yôhan 4:45

Lah hŏ tât jêh ta n'gor Galilê, phung ƀon nây vơt rom Brah Yêsu, yorlah khân păng hŏ saơ jêh lĕ rngôch nau Brah Yêsu ƀư ta ƀon Yêrusalem tâm nar rƀŭn, yorlah khân păng nơm hăn râng tâm rƀŭn đŏng.

Yôhan 5:36

Ƀiălah Gâp geh du nau mbơh nkoch dŭt toyh rlau lơn ma nau Y-Yôhan; yorlah lĕ kan Mbơ̆ hŏ jao Gâp ƀư lôch jêh, lĕ kan Gâp dôl ƀư aơ, mbơh nkoch pô aơ Mbơ̆ hŏ njuăl Gâp.

Yôhan 6:14

Lĕ phung bunuyh saơ nau mbên khlay Brah Yêsu hŏ ƀư jêh ri lah: “Aơ ngăn jêng Nơm mbơh lor hŏ văch tâm neh ntu.”

Yôhan 6:2

Du mpôl bunuyh âk ngăn hăn tĭng Brah Yêsu, yorlah khân păng hŏ tă saơ jêh lĕ nau mbên khlay Brah Yêsu ƀư ma phung bunuyh ji kuet.

Yôhan 7:31

Ƀiălah geh âk bunuyh tâm phung ƀon lan chroh ma Păng jêh ri lah pô aơ: “Lah Brah Krist tât, Păng mra ƀư lĕ nau mbên khlay rlau lơn ma bunuyh aơ hŏ ƀư đŏng?”

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.