Yôhan 2:19 - Nau Brah Ndu Ngơi 2023

¹⁹ Brah Yêsu lah: “Ƀư rai hom ngih brah aơ, tâm pe nar Gâp mra ndâk đŏng.”

Bunong Bible Latin Script Cambodian dialect

¹⁹ Brah Yêsu ơh: “Rơih lơi nhih jan brah dja, jêh ri Gâp jan mhe pe nar jêh.”

Bunong

¹⁹ ឞ្រាស​យេឆូ  ​អើស៖ “រើយ្ស​លើយ​ញីស​ជាន​ឞ្រាស​អ្យា ជេសរី​គ៝ប់​ជាន​មហែ​ពែ​នារ​ជេស”។

Yôhan 2:19 ပူးပေါင်းရင်းမြစ်များ

Mathay 12:40

Yorlah nâm bu Y-Yôna gŭ tâm ndŭl ka toyh pe nar pe măng, pônây lĕ, Kon Bunuyh mra gŭ tâm trôm neh pe nar pe măng.

Mathay 16:21

Ntơm bơh nar nây, Brah Yêsu ntơm mbơh ma phung oh mon gĭt pô aơ Păng mra hăn tâm ƀon Yêrusalem, tuy dơn âk nau rêh ni tă bơh phung kôranh bu ranh, phung kôranh ƀư brah toyh ndrel ma phung kôranh nchih samƀŭt, phung nây mra nkhĭt Păng, ta nar tal pe Păng dâk rêh tay.

Mathay 27:40

jêh ri lah: “May jêng nơm ƀư rai ngih brah jêh ri ndâk đŏng tâm pe nar, tâm rklaih hom may nơm! Tơlah may jêng Kon Brah Ndu, ntrŭnh hom tă bơh si tâm rkăng.”

Mathay 27:63

jêh ri lah: “Hơi kôranh, hên kah gĭt ma bunuyh mƀruh nây, dôl păng hôm rêh lah: ‘Lôch pe nar Gâp mra dâk rêh tay.’

Markôs 14:58

“Hên tăng jêh păng lah: ‘Gâp mra ƀư rai lơi ngih brah ti kon bunuyh ndâk njêng; tâm pe nar Gâp mra ndâk tay du ngih brah êng, mâu di ti kon bunuyh ƀư ôh.’ ”

Markôs 15:29

Phung hăn rgăn ta nây gơm mưch, rteh bôk jêh ri lah: “Hơ hơ! May jêng nơm ƀư rai ngih brah jêh ri ndâk đŏng tâm pe nar,

Markôs 8:31

Nôk nây, Brah Yêsu ntơm nti ma phung oh mon pô aơ Kon Bunuyh dơn âk nau rêh ni, phung kôranh bu ranh, phung kôranh ƀư brah toyh jêh ri phung kôranh nchih samƀŭt dun lơi, bu nkhĭt, jêh ri tăch pe nar pakơi Păng dâk rêh tay.

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Yôhan 5:19

Pôri, Brah Yêsu lah ma khân păng: “Nanê̆ ngăn, Gâp lah nanê̆ ngăn khân may, Kon mâu dơi ƀư êng ôh, ƀiălah knŏng ƀư nau Kon saơ Mbơ̆ ƀư; yorlah lĕ kan Mbơ̆ ƀư, Kon ƀư đŏng tâm ban pônây.

Kôranh Oh Mon 2:24

Ƀiălah Brah Ndu ƀư ăn Păng dâk rêh tay, tâm rklaih Păng tă bơh nau nđêh nji ma nau khĭt, yorlah nau khĭt mâu dơi nhŭp kân Păng ôh.

Kôranh Oh Mon 2:32

Brah Ndu hŏ ƀư ăn Brah Yêsu aơ dâk rêh tay; lĕ rngôch phung hên jêng nơm mbơh ma nau nây.

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Kôranh Oh Mon 6:14

Yorlah hên hŏ tăng jêh păng lah ma Brah Yêsu, bunuyh ƀon Nasaret nây mra ƀư rai ntŭk aơ jêh ri tâm rgâl nau vay ơm Y-Môis hŏ nkoch tay ma he.”

Samƀŭt Pôl Njuăl Ăn Ma Phung Nsing Ta Ƀon Rôm 4:24

ƀiălah nđâp ma he đŏng. Nau chroh mra dơi kơp jêng sŏng srăng ma he, phung bunuyh chroh ma Nơm hŏ ƀư jêh Brah Yêsu, Kôranh Brah he, dâk rêh tay tă bơh nau khĭt,

Samƀŭt Pôl Njuăl Ăn Ma Phung Nsing Ta Ƀon Rôm 6:4

Pôri, ma nau ƀaptem, bu tâp jêh he tâm nau păng khĭt ndrel ma Păng, gay ma nâm bu Brah Krist hŏ dâk rêh tay jêh bơh nau khĭt ma nau chrêk rmah Mbơ̆ tâm ban lĕ, he dơi rêh đŏng tâm nau rêh mhe nâm pônây.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

I Kôrintô 15:12

Pôri, tơlah khân may hŏ tăng nau mbơh nkoch ma Brah Krist dâk rêh tay tă bơh nau khĭt, mâm ƀư geh ƀaƀă tâm phung khân may lah phung khĭt mâu geh nau dâk rêh tay?

Kôlôh 2:12

Khân may hŏ tâp brôi jêh khân may ndrel ma Păng tâm nau ƀaptem, ri mơ dơi dâk rêh tay ndrel Păng bơh nau chroh tâm nau brah Brah Ndu, Nơm ƀư ăn Păng dâk rêh tay tă bơh nau khĭt.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;