Yôhan 18:33 - Nau Brah Ndu Ngơi 2023

³³ Pilat lăp đŏng tâm ngih kôranh phat dôih, kuăl Brah Yêsu jêh ri ôp: “Di lĕ may jêng hađăch phung Yuđa?”

Bunong Bible Latin Script Cambodian dialect

³³ Jêh ri Pilat lăp tay ta trôm jay, đă bu leo Brah Yêsu ta păng, jêh ri ôp: “Ngăn lah May nơh kađăch phung Israel?”

Bunong

³³ ជេសរី​ពីលាត  ​លាប់​តៃ​តា​ត្រោម​ជៃ ដាៈ​ឞូ​លែវ​ឞ្រាស​យេឆូ  ​តា​ពាង់ ជេសរី​អោប៖ “ងាន់​លាស​មៃ​នើស​កាដាច់​ផូង​អីឆ្រាអែល  ?”

Yôhan 18:33 ပူးပေါင်းရင်းမြစ်များ

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 27:11

Nôk nây, Brah Yêsu dâk tanăp kôranh toyh chiă uănh Pilat; jêh ri kôranh toyh chiă uănh ôp: “Di lĕ may jêng hađăch phung Yuđa?” Brah Yêsu lah: “May lah jêh nau nây.”

Mathay 27:27

Pakơi nây, phung tahan kôranh toyh chiă uănh njŭn leo Brah Yêsu ta ngih kôranh toyh chiă uănh jêh ri hŏ rgum lĕ mpôl tahan jŭm Păng.

Markôs 15:2

Pilat ôp Păng: “May jêng Hađăch phung Yuđa ƀơh?” Brah Yêsu plơ̆ lah: “May lah jêh nau nây.”

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 12:13

pôri khân păng sŏk n'gĭng tơm jŏk, hăn vơt Brah Yêsu jêh ri nter lah: “Hôsana! Ueh maak ngăn ma Nơm văch ma amoh Kôranh Brah, jêng Hađăch phung Israel.”

Yôhan 12:15

“Hơi kon bu ur ƀon Siôn, lơi klach ôh! Ri, uănh hađăch ay văch, Păng ncho kon seh bri!”

Yôhan 18:34

Brah Yêsu plơ̆ lah: “May nơm lah nau nây, mâu lah geh bunuyh êng lah nau Gâp ma may?”

Yôhan 18:37

Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Yôhan 18:38

Pilat ôp: “Mâm jêng nau ngăn?” Jêh Pilat lah kơt nây, păng hăn tâm mâp ma phung Yuđa jêh ri lah: “Gâp mâu saơ ôh bunuyh aơ geh nau tih.

Yôhan 19:12

Ntơm bơh nây, Pilat joi nau gay mƀơk Brah Yêsu, ƀiălah phung Yuđa nter huy: “Lah may mƀơk bunuyh aơ, may mâu jêng bunuyh răp jăp đah Sêsar ôh, yor mbu nơm mbơh êng păng nơm jêng hađăch jêng nơm tâm rdâng đah Sêsar.”

Yôhan 19:3

Khân păng văch dăch ta Brah Yêsu jêh ri lah: “Mbah ma hađăch phung Yuđa!” Jêh nây khân păng tap ta măt Păng.

Yôhan 19:4

Pilat hăn luh du tơ̆ đŏng jêh ri lah ma phung ƀon lan: “Aơ, gâp njŭn leo păng padih ma khân may, gay ma khân may gĭt gâp mâu saơ păng geh nau tih.”

Yôhan 19:9

Păng plơ̆ lăp đŏng tâm ngih kôranh jêh ri lah ma Brah Yêsu pô aơ: “Mbah tă luh may?” Ƀiălah Brah Yêsu mâu hôm plơ̆ lah ôh.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may