Yôhan 16:20 - Nau Brah Ndu Ngơi 2023

²⁰ Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Bunong Bible Latin Script Cambodian dialect

²⁰ “Gâp lah n'hêl nanê̆ ngăn ma khân may: Khân may tay nhhiăng nhŭm, yơn ma phung bunuyh i mâu nsing ma Gâp răm maak. Khân may tay geh nau nklŏn rvê ôh êt ôh êl ngăn, yơn ma nau nklŏn rvê khân may i nây tay plăch jêng nau răm maak chrao.

Bunong

²⁰ “គ៝ប់​លាស​នហេល​នានេៈ​ងាន់​មា​ខាន់​មៃ៖ ខាន់​មៃ​តៃ​ញហ្យាង់​ញុម យើន​មា​ផូង​ឞូនុយ្ស​អី​មោ​ញឆីង​មា​គ៝ប់​រាម់​មអាក។ ខាន់​មៃ​តៃ​គែស​នាវ​ងក្ល៝ន់​រាវៃ​អោស​អេត​អោស​អេល​ងាន់ យើន​មា​នាវ​ងក្ល៝ន់​រាវៃ​ខាន់​មៃ​អី​នៃ​តៃ​ព្លាច់​ជេង​នាវ​រាម់​មអាក​ច្រាវ។

Yôhan 16:20 ပူးပေါင်းရင်းမြစ်များ

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Mathay 21:38

Ƀiălah tơlah phung tăm krăk ƀâu saơ kon bu klâu păng, phung nây tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng jêh ri sŏk drăp ndơ păng.’

Mathay 5:4

Ueh maak ngăn ma phung nhĭm rngot, Yorlah mra dơn nau bonh leng!

Markôs 14:72

Dôl nôk nây, iăr ndrau rơh bar. Y-Pêtrôs kah gĭt ma nau Brah Yêsu lah jêh ma păng: “Êlor ma iăr ndrau rơh bar, may mra dun ma Gâp pe tơ̆.” Păng nhĭm rngot hâu ngăn.

Markôs 16:10

Ay hăn mbơh nau nây ma phung hŏ hăn tĭng Păng dôl rngot klâng, nhĭm nhhiăng.

Luka 22:45

Mbơh sơm lôch jêh, Păng dâk plơ̆ tay ma phung oh mon jêh ri saơ khân păng gŭ bê̆ch jêh yor nau rngot.

Luka 22:62

Y-Pêtrôs hăn luh padih nhĭm rngot ngăn ngên.

Luka 23:27

Geh âk ngăn bunuyh hăn tĭng Brah Yêsu jêh ri geh âk bu ur tŭr ntang ntơh nhĭm nhhiăng ma Brah Yêsu.

Luka 24:17

Păng lah ma khân păng: “Moh nau khân may tâm nchră dôl hăn trong?” Khân păng nsrŭng ma nau rngot.

Luka 24:21

Hên kâp gân Păng jêng Nơm mra tâm chuai phung Israel. Nđâp tơlah nau nây hŏ tât geh dơi pe nar jêh.

Luka 6:21

Ueh maak ngăn ma phung kon jêng phung bunuyh aƀaơ aơ dôl nau ji ngot, Yorlah mra dơi hơm tŏng. Ueh maak ngăn ma phung kon jêng phung bunuyh aƀaơ aơ gŭ tâm nau nhhiăng nhĭm, Yorlah mra dơi maak gơm.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 16:6

Ƀiălah yor ri Gâp hŏ lah lĕ nau aơ ma khân may, pôri nuih n'hâm khân may geh bêng ma nau rngot rvê.

Yôhan 20:20

Lah jêh ngơi, Păng nhhơ mpang ti jêh ri pŭng vĕ ăn ma khân păng uănh. Nôk saơ Brah Yêsu, phung oh mon răm rhơn ngăn.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’