Yôhan 15:20 - Nau Brah Ndu Ngơi 2023

²⁰ Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Bunong Bible Latin Script Cambodian dialect

²⁰ Ăn khân may kah gĭt nau Gâp lĕ lah ma khân may nơh: ‘Bunuyh sơm kơl jan kar mâu ôh kuŏng rlau kôranh păng’. Lah bu jan jêr ma Gâp, khân may nây bu jan jêr đŏng, lah bu iăt nau Gâp, khân may nây bu iăt đŏng.

Bunong

²⁰ អ៝ន់​ខាន់​មៃ​កាស​គឹត​នាវ​គ៝ប់​លែៈ​លាស​មា​ខាន់​មៃ​នើស៖ «ឞូនុយ្ស​ឆើម​កើល​ជាន​ការ​មោ​អោស​ក្វ៝ង់​រាលាវ​កោរាញ​ពាង់»។ លាស​ឞូ​ជាន​ជេរ​មា​គ៝ប់ ខាន់​មៃ​នៃ​ឞូ​ជាន​ជេរ​ដ៝ង់ លាស​ឞូ​អ្យាត់​នាវ​គ៝ប់ ខាន់​មៃ​នៃ​ឞូ​អ្យាត់​ដ៝ង់។

Yôhan 15:20 ပူးပေါင်းရင်းမြစ်များ

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Mathay 10:24

Oh mon mâu rlau lơn nơm nti, oh mon mâu rlau lơn kôranh păng.

Markôs 10:39

Khân păng lah: “Hên dơi lĕ!” Brah Yêsu lah: “Khân may mra nhêt kachok Gâp nhêt, jêh ri mra dơn nau ƀaptem Gâp dơn.

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Luka 6:40

Oh mon mâu rlau lơn ma nơm nti ôh, ƀiălah tơlah oh mon dơi nti bêng tŏng, ri mơ mra tâm ban ma nơm nti păng.

Yôhan 10:31

Phung Yuđa dônh lŭ gay klŭp ta Brah Yêsu.

Yôhan 11:57

Phung kôranh ƀư brah toyh jêh ri phung Pharisi ntăm jêh: tơlah mbu nơm gĭt ntŭk Brah Yêsu gŭ, ăn păng mbơh ma bu gĭt, gay khân păng nhŭp Păng.

Yôhan 13:16

Nanê̆, Gâp lah ngăn ma khân may: Oh mon mâu toyh lơn ma kôranh ôh, phung mbơh mâu lĕ toyh lơn ma nơm njuăl păng nơm.

Yôhan 5:16

Yor nây, phung Yuđa ƀư mhĭk ma Brah Yêsu, yor nau Păng ƀư bah lĕ nau nây tâm nar Saƀat.

Yôhan 7:32

Phung Pharisi tăng lĕ nau phung ƀon lan ngơi ƀŭk dŭk suyh ma Brah Yêsu, pôri khân păng jêh ri kôranh ƀư brah toyh njuăl phung kôranh king n'gang ngih brah hăn nhŭp Brah Yêsu.

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Yôhan 8:52

Phung Yuđa lah: “Aƀaơ aơ, hên gĭt rah vah jêh Nơm nti geh brah mhĭk lơh. Y-Abraham lĕ khĭt jêh, phung nơm mbơh lor hŏ khĭt tâm ban lĕ; ƀiălah May lah: ‘Lah mbu moh djôt prăp nau Gâp ngơi mâu mra mâp ma nau khĭt ôh.’

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

I Kôrintô 4:12

Hên pah kan jâk jêr ma ti hên nơm. Nôk bu suai rak, hên ăn nau ueh uĭn; nôk bu ƀư mhĭk, hên nsrôih dơn;

II Kôrintô 4:9

bu ƀư mhĭk ma hên; ƀiălah hên mâu gŭ êng ôh; bu lơh hên prah, ƀiălah mâu roh ôh.

I Têsalônik 2:15

phung bunuyh hŏ nkhĭt jêh Kôranh Brah jêng Brah Yêsu, nkhĭt phung nơm mbơh lor, jêh ri ƀư mhĭk ma hên. Khân păng ƀư rngot nuih n'hâm Brah Ndu jêh ri rlăng đah lĕ rngôch bunuyh,

II Timôthê 3:12

Nanê̆ ngăn, mbu nơm ŭch gŭ rêh nau rêh klach yơk tâm Brah Yêsu Krist mra dơn nau bu ƀư mhĭk.

I Samuel 8:7

Brah Yêhôva lah ma Y-Samuel: “Gŭ iăt hom ma lĕ nau ngơi phung ƀon lan lah ma may, yorlah mâu di khân păng dun ma may ôh, ƀiălah dun ma Gâp, gay ma Gâp mâu hôm jêng hađăch khân păng đŏng ôh.